subbubjalla

eitt verk...

2011-10-30T01:01:00.000-07:00

þetta verk verður væntanlega á sýningunni í Tokyo....bless í bili ... :-) SB

á farandsfæti eða faraldsfæti eða haraldsfæti...

2011-10-29T23:51:00.000-07:00

jæja nú er ég hálfnuð við að pakka...gengur heldur seint. Er búin að lista allt uppá vinnustofunni og allt að verða klárt þar...

Tók við viðurkenningu á skrifstofunni sem staðfestir dvölina... ég og Sugiama sem er yfirmaður stofnunarinnar hann gaf mér tvo litla keramikfroska og sagði mér að setja þá beint í peningabudduna þá munu peningarnir streyma til mín...Reynið að sjá þennan ágæta mann fyrir ykkur í svörtum leðurjakka með uppbrettar ermar syngjandi rómantísk japönsk dægurlög í karoki.....einmitt.

Á hinni myndinni er Alex og ég við förum héðan á sama tíma...

Hlakka til kvöldsins ilmurinn úr eldhúsinu er svo lokkandi....er svo lokkandi...

knús go bless í bill...subbubjallan á farandsfæti..

seinni kaffibollinn og ekkert að gerast.

2011-10-29T17:10:00.000-07:00

Er á seinni kaffibollanum...er ekki alveg í stuði til að pakka strax. Er búin að fara yfir dótið sem ég sendi heim með skipi. Þarf að telja og skrá...ekki flókið en æjjj kannski bara leiðinlegt af því ég er að fara.

Fekk að láni litla tösku sem ég tek með til Kyoto og sendi stóru ferðatöskuna á flugvöllinn í Tokyo..frábær þjónusta þetta..enda ómöglegt að taka pláss í lestunum fyrir tösku sem rúmar tvo meðal japana ;-)

Fór á spennandi sýningu í gær hjá einum starfsmanninum hér...allt anagama verk sumt hafði brotnað í brennslunni en ótrúlega falleg verk og uppsettning...fallegt og látlaust. Svo hafði konan hans gert ikebana (japanska blómaskreytingu) í brotna stóra vasa, dásamlegt. Ég var að komast að því í gær að verkfærið sem ég keypti á útimarkaðnum um daginn er dæmigerðar blómaskreytingaklippur humm skildi ég hafa fengið leiðsögn að handan??

Svo verður kveðjupartý í kvöld fyrir okkur Alex við förum samferða til Kyoto í fyrramálið...meira um það seinna..knús á ykkur. sb.

hárgreiðsla og kaffisopi.

2011-10-28T16:37:00.000-07:00

Eins og sjá má breyttist herbergið mitt í hárgreiðslustofu í gær...Makikó bauðst til að taka upp gamla takta og lita á mér hárið...hún hafði unnið sem aðstoðarmanneskja á hárgreiðslustofu í Tokyo áður en hún fór að vinna í leir.

Þetta gekk svona glimrandi vel og nýja lúkkið alveg að gera sig.

Annars var ég hálf löt í gar og slegin yfir fréttum að heiman....en Ragnheiður kerlingin á vonandi eftir að ná sér á strik það er nú seigt í kellu eins og öllu hennar fólki.

Í dag raða ég saman og ákveð hvað ég sendi á sýninguna í Tokyo á eftir að ganga frá á vinnustofunni og svona smotterí sem týnist til...en góð tilfinnig að ég þurfi ekki að pakka sjálf fæ fagmann í verkið...þvílíkur luxus sem þetta er.

Ég fór í gær og keypti glerung og leir sem ég sendi með verkunum mínum heim...held það séu birgir til næstu ára......

Það er svo skrýtin tilfinning sem fylgir því að pakka og leggja loka hönd á verkin....frekar sorglegt að kveðja þennan stað...og allt þetta góða fólk sem ég hef kynnst. Starfsfólk sem hefur unnið hér þau skifti sem ég hef komið...allir alltaf tilbúinir að leiðbeina og hjálpa.

Það verður samt dásamlegt að komast heim í venjulega hverdagslífið...sem er náttúrulega svo ótúlega fjölbreytt og skemmtileg...hitta börn og barnabörn alla malla hvað það verður gaman. Fara í sund og yoga....ég hef nú verið dugleg að stunda yoga hér í herberginu ekki alveg hvern dag en alla vega annanhvern .... alveg satt. Í gær prófaði ég meira að segja að spila yogaæfingar af youtube sem gekk bara þrusu vel...gaman að fá nýjan kennara...

Svo er maður nátturulega farin að huga að jólum og sér á facebook að það er hugur í mannskapnum.....

Ég er að klára kaffisopann það var dásamlegt að Sandrína (sú nýja franska) kom með mokkakönnuna sína,,,,ég fæ minn dásamlega cappochino bolla með þeyttri sojamjólk og tilheyrandi kanil...dásamlegt líf..ég ætla að rölta í sjoppuna á eftir og kaupa meiri mjólk svo ég eigi nú í kaffið þessa tvo daga sem eftir eru að dvölinni hér...

Svo var þessi fugl fyrir utan dyrnar í gær hafði greinilega flogið svona illilega á gluggann mér datt í hug hvort þetta væri bróðir Bíbó??

Bið að heilsa best að koma sér að loka verki í bili...knús subbubjallan

brennsla baðhús og opnun

2011-10-26T04:28:00.000-07:00

jæja elskurnar...

Í morgun var síðustu ofnarnir frá mér settir af stað...í bili amk. Lítill prufuofn og svo transferbrennsla...þá er aftur að krossa fingur.

Eftir að ofnarnir voru ræstir fórum við nokkur með strætisvaginum á dásamlegt baðhús þar sem er boðið uppá bað uppá japanskan máta með smá auka tvísti..

Maður byrjar á því að þvo sér hátt og lágt sitjandi á litlum kolli með sturtu og forláta tréstamp. Nóg að sápu og sjampói...síðan er farið í heitan pott með bleiku vatni vel heitu og marað í nokkra stund síðan farið í pott með nuddi...Þvínæst í útipott vel heitan síðan í bænasturtu ( sem er með tvem stútum sem beinast beint á axlir gott er að hafa lófa saman við nef og handleggi í 90 gráðum..eins og búddamunkur.

Síðan var það steinalaug með ýmiskonar söltum dásamlegt...vorum í einn tíma í vatni..Gáfum okkur góðan tíma til að klæðast og hafa það huggulegt með grænt te og fallegt súpersnyrtilegt umhverfi...hittum greinilega á mjög rólegan tíma dags og viku!!... Fengum okkur svo að borða á veitingastað þarna við...Baðhúsið er hluti af æfingarsvæði fyrir golfáhugafólk,,,risastór golfvöllur, reisuleg gistihús og hótel.

Eftir að við komum heim var haldið uppá opnum hjá Alexander Clinthorn sem hefur verið hér að vinna...ungur og efnilegur stákur...sem gerir áhugaverða hluti í leir..Við vorum flest klædd í dásamlega falleg japönsk vinnuföt sem okkur voru gefin af japanskri konu sem er hér að vinna Makikó súperkokkur... Skemmtilegt uppátæki það.

Klukkan bara rúmlega níu og mér finnst ég hafa verið vakandi í sólahring...best að skella sér í háttinn...góða nótt elskurnar...subbubjalla

smá rifa og sviðin nefhár.

2011-10-23T17:23:00.000-07:00

Var að opna rifu á ofninn og rak nefið inn ,, hann er reynar enn í 180 gráðum og best að ana ekki að neinu....en það sem ég sá lítur vel út !!! .... amk. ekkert uppí loft..gleði gleði gleði...mátti til með að deila þessu með ykkur elskurnar.

læt að gamni fylgja með myndir af sjálfsalanum fyrir utan vinnustofunarnar, hægt er að kaupa gos, safa, heitt og kalt te eða kaffi....frá Boss auglýsingin er frekar eitthvað einkennileg þykjir mér....ekki eins og maðurinn geisli af hamingju og heilbrigði....en hann er the BOSS...hvað rugl er í gangi.

2011-10-23T05:27:00.000-07:00

Jæja elskurnar...nú bíð ég eftir að geta opnað ofninn...í fyrramálið. Hef haft það rólegt í dag varla gert nokkurn skapaðan hlut..kláraði ísinn, búið.

Kíkti á sýninkennslu á vinnustofunni (sjá myndir) ; Hér er verið að hanna tjörn fyrir gullfiska..Tveir hlutar renndir á rennibekk og settir saman..annar hlutinn er laugin hinn hlutinn (rennan) er svo :"The goldfish can take a walk" eins og listamaðurinn orðaði það...

Þetta var rennt í gær af meistara Bungo-san sem getur rennt gríðalega stóra hluti og etv. horft á sjónvarpið í leiðinni...síðan voru hlutirnir fluttir inní brennslurýmið og settir saman í dag. Þetta er samvinna þriggja manna tveir eru kennarar við Listaháskóla í Kyoto og svo Bungo-san sem er þessi fanta flotti rennari.

Ég eldaði mér fína kjúklingasúpu með núðlum og notaði að sjálfsögðu kryddið sem ég keypti á markaðnum...dásemdin ein.. Það er svo merkilega miklu betra á bragðið kjúklingakjötið hér í Japan en heima...amk. hér í sveitinni hjá okkur.

Sem allt í einu minnir mig á hana móður mína sem var nú snillingur í eldhúsinu og kunni margar brellur.

Ein var sú að kaupa unghænsni í tugatali svei mér þá ef fiðurféð var ekki á fæti..nei nei sei ekki neina vitleysu ,, það var nú búið að slátra...en lengra náði meðhöndlunin ekki.

Við bjuggum í Barmahlíðinni og í kjallaranum var þvottahúsið, sameiginlegt með eldra fólki sem bjó í þarna í kjallaraíbúð. Þvottahúsið ilmaði alltaf svo dásamlega af tóbaksklútum sem iðulega héngu þar uppi á snúrum. Nema aftur að unghænunum....sko hún móðir mín lét sér ekki allt fyrir brjósti brenna eins og sagt er. Hann Dóri minn, sem var nú bara rétt nýfarinn að dvelja hjá mér næturlangt í meyjarskemmunni, var dreginn niður í kjallara til að fiðurhreinsa pútturnar. Sú aðferð fór svona fram: Þeim var dýft í sjóðandi heitt vatn í suðupotti einum miklum sem var á miðju þvottahúsgólfinu. Síðan var hafist handa við að reyta og tæta......þvílíkt og annað eins stuð.....ég man við hlógum rosalega og fífluðumst með hænurnar hægri vinstri (enda Hreimur þarna fremstur í flokki) ég held við höfum ekki haft lyst á þessum hænum í langan langan tíma á eftir.

Í minningunni tók þessi aðgerð nokkra daga...eða kannski helgi. Ég segji hiklaust að finnst hann Dóri minn komst í gegnum þetta "nánast klakklaust" á þessum tíma þá kallar hann ekki allt ömmu sína. Ég átti nú alveg eins von á að sjá í iljarnar á honum upp tröppurnar,,, en nei nei minn maður öösss nei.

brennsla á fullu gasi.

2011-10-22T07:17:00.000-07:00

Allt að ná hámarki hitinn kominn í 1280 gráður á celsius ... keilurnar að falla. Brennslan tók 14 tíma sem er vel sloppið miðað við fyrri reynslu.. Eitt sem sárlega vantar í ofnarýmið hér í Shigaraki eru hitaþolnir hanskar...það var assgoti heitt að slökkva á átta brennurum sem eru allir staðsettir undir ofninum ,,, jamm einmitt þar sem lýsir upp af loganum.....ég hefði þurft að geta skrúfað fyrir með tánum og losnað við að fjalægja hárin á leggjunum í einhvern tíma...smá sviðalykt og sót...en hva.

Fegin að þessi brennsla er búin get vonandi opnað ofninn eftir tvo sólahringa.. Nú er ég svo upprifin að ég held ég sofi ekki næstu tímana...gæti fengið mér ís. humm,, góða nótt elskurnar.

Brennslan á lokastigi og allur ísinn búinn (grín)

2011-10-22T02:05:00.000-07:00

Myndirnar tók ég í Kyoto í gær. Við heimsóttum fallegt safn sem var áður heimili og vinnustofa Kawai Kanjiro, hann lést 1966. Hann er mjög þekktur vann m.a. með Bernard Leach.
ofninn sem tekur amk. viku að brenna....engin smásmíði.
heimilið sem gert hefur verið að safni....ótrúlega fallegt. Myndin er tekin af efri hæðinn niður í garðinn sem liggur að vinnustofunni.
Það var dásamlegur dagur í gær, mátulega heitt og allir gluggar uppá gátt. En á köldum vetrardegi í Kyoto....birrr...þá verður nú kalt hérna inni.

jæja...nú er brennslan enn í fullum gangi og ég að verða stressuð...allir farnir heim s.s. enginn til að kalla til ef allt fer í kaldakol...

Ég stökk út í sjoppu áðan til að fá mér ís aðeins til að kæla stemminguna niður...keypti sex greentea isa...borðaði tvo á leiðinni til baka og var að sporðrenna þeim þriðja..en áfram sama spennan...svo þetta virkar ekki..best að kíkja á ofninn...knús á ykkur ...

2011-10-21T19:50:00.000-07:00

Þessi mynd er tekin á útimarkaði í Kyoto í gær..Hann er haldin 21 hvers mánaðar og fer fram við stórt klaustur...Þetta er einn flottast markaður sem ég hef komið á...allt mögulegt til sölu gamlir fagrir kimanoar, bækur, verkfæri krydd, blóm og allt annað milli himins og jarðar..

Við hittumst Pascale (og hennar eiginmaður) og Adil og röltum um. Ég krækti mér í sjöunda kryddið dásamlegt á núðlur. Maður ætlar að reyna að ná upp einhverjum vinsældum í eldhúsinu þegar heim er komið kryddið kemur sterkt inn (í orðsinsfyllstu) Einnig keypti ég mér forláta höfuðfat sem ég ætla að nota þegar proformera sem annarhelmingur af IEC-CHOCOLATE sem er grúbban okkar Pascale síðan á karokibarnum um kvöldið.. Adil verður umboðsmaður okkar i Indlandi. Svo spennandi verkefni framundan.

Ég er að brenna í stórum gasofni í dag þarf að vaka yfir ofninum, bæta við gas, kveikja á brennurum, auka þrysting skoða lit á eldinum oþh. Og Matsunami er í fríi í dag...en vona það besta þetta er nebbla stór hluti af sýningunni minni í Tokyo ... krossa fingur.

2011-10-20T05:14:00.000-07:00

Haustið fyrir utan gluggann allt farið að breyta litum og roðna...dásamleg árstið hér í Shigaraki...hitastigið mátulegt og færri flugur á ferð.

2011-10-20T05:04:00.001-07:00

myndin hér fyrir neðan er frá heimsókn okkra til Takai-san og erum við búin að koma

okkur fyrir í teherberginu í húsinu...mjög falleg bænatafla??? fyrir aftan okkur.. Gullslegin og dásamleg..

2011-10-06T06:53:00.000-07:00

Hittum mann að nafni Stefen í kaupfélaginu um daginn...hann gaf sig á tal við okkur því við töluðum öll saman á ensku...spjölluðum í smá stund...hann prestur frá Englandi og á japanska eiginkonu. Þau eru búsett hérna og reka einhverskonar trúboðstöð. Við buðum þeim að kíkja á vinnustofuna til okkar, sem þau gerðu daginn eftir. Hann bauðst til að fara með okkur um þorpið við tækifæri kíkja á nokkra keramikera ... Nú svo fórum við saman í gær, ég, indverjinn Adil(sem þvær nautahakkið fyrir eldun) Pascale sem er frönsk..og borðar mikið af súkklaði. Við fórum og heimsóttum einn heimsfrægan anagama höfðingja Shino Kanzaki gerir gjörsamlega frábæra hluti..Hann er ansi dýr á því karlinn og fékk ég létt sjokk þegar ég lyfti teskálinni...kostaði 900.000 isl. assgoti dyr bolli það. En fagur var hann.

Mer finnst óttalegur eymingjagangur hvað ég er léleg að skrifa bloggið...ég helt eg mundi gera það alla daga...en svona er þetta bara og ég a mér engar málsbætur...

I dag forum við að hitta annan meistara, Takai-san, hann hefur unnið miklar rannsóknir a glerungum. Hann bauð hópnum heim til sin hann býr i yndislegu dæmigerðu japönsku húsi. Þar var boðið uppa grænt eðal te sem þotti svakalega fint...og skoðunarferð i glerungavinnustofuna..dásamlegt.

Siðan kom þessi sami maður með fullt af glerungauppskriftum hingað á vinnustofuna og sýndi nokkrum útvöldum...þvílíkt örlæti...

Síðan hef ég brasað við að koma að niðurstöðu með glerun til að nota á verkin...gert ýmsar tilraunir...og nú er ég búin að glerja í aðalofninn og þá er nú ekki aftur snúið...

knús á ykkur öll..

subbubjallan

saga af litla Bíbó, sem var í gjörgæslu um stund.

2011-09-25T03:45:00.000-07:00

Hér sjáið þig lítinn fuglsunga sem var tekinn í fóstur á vinnustofunni. Hann hafði dottið eða verið hrint úr hreiðrinu (sem er frekar óvenjulegur bústaður,, sjá efstu myndina)

Þær japönsku vinkonur mínar vildu meina að ungamamman hafi ekki viljað þennan ræfill. Nema hvað,,, það voru veiddir maurar fyrir hann eins og sést í glæra boxinu...ég verð nú að segja að fyrir minn smekk er stærðin á þeim er nú í það allra mesta fyrir ræfilinn...hausinn á unganum og maurinn voru næstum jafn stór.... Mætti segja að það væri eins og að reyna að troða í sig heilum kjúkling án þess að hluta hann í sundur...En það var nú ekki hlustað á þau rök..þessu var troðið í hann ásamt vatni..

Þær höfðu utbúið hólk úr dagblöðum í pappakassa til að geyma ungann í á meðan honum var ekki sinnt. Hreiðrið er alveg massivt og þar kemst lítil birta að svo það var verið að reyna að gera þetta eins líkt hreiðrinu og hægt var. Gekk þetta i nokkra daga alltaf heyrðist pínu garg og kvart uppúr kassanum þegar ég mætti á vinnustofuna í morgunsárið.. Svo það var brugðið á það ráð að útbúa lítð pappahreyður sem hengt var upp í svipuðm stað og fyrri heimkynni hans voru.. klikkaði aðeins á að taka ekki mynd af þeirri hönnun en það var ansi flott. Nema ungi litli sem kallaður var Bíbo vildi ekki búa þar og henti sér niður á stett, hann var færður í snatri í aðhlynningu á vinnustofuna en allt kom fyrir ekki hann vildi hvorki borða né drekka og gafst upp á þessu brölti en svífur um í himnaríki eins og enginn sé morgundagurinn. knús elskurnar...

ps. ég er nú pínu grobbin að hafa getað sett inn myndir á bloggið....

þessi hangir bara fyrir utan gluggann

2011-09-25T01:55:00.000-07:00

buin ad snua solarhringnum vid med handafli....

2011-09-11T03:23:00.000-07:00

jaeja elskurnar ....

Dasamlegt ad vera komin aftur til Shigaraki. Ferdalagid gekk vel, mikill munur ad gista i Frankfurt a leidinni hingad ut. Lenti reyndar i sma aevintyri i blalokin tvi bidin eftir straeto reyndist lengri en mig hafdi grunad...madur er sossum ekkert ad stressa sig yfir tveggja tima bid eftir straeto sei sei nei. Eg takkadi fyrir ad gamla konan (sem er trulega eldri en solin) hrokk ekki uppaf medan a bidinni eftir vagninum stod. Teir breyttu eitthvad aaetluninni tennan daginn svo vid bidum saman a bekk eg og tessi dasamlega gamal kona og badar nadum vid leidarenda.

Eg er farin ad vinna ad kappi en tad er frekar rolegt a vinnustofunni taer japonsku skella ser heim um helgar. Hef fengid dasamlegt patry med Koreanskum mad og miklu fjori. Tvilikt vel tekid a moti manni...vona ad eg nai ad setja inn myndir a siduna,,,, tegar eg er komin med mina tolvu...vantar plogg...
Er ad byrja ad atta mig a matnum hverning er best ad matreida og hverning a ad kveikja a ollum graejunum allar leidbeiningar a japonsku...en tetta er allt i besta og allir tilbunir ad hjalpa,,,og svo bara endalausar tilraunir..
saknadarkvedjur og knus a ykkur oll ...subbubjallan
ps. tvilikt sem moskitoflugunum finnst eg god...humm

aftur

2011-08-29T09:44:00.000-07:00

sæl nú er tæp vika í næstu Japansferð...verð að prófa bloggið...

2007-03-21T16:44:00.000-07:00

Sæl verið þið...
Nú erum við Dóri í Tokyo komum með hraðlestini(sinkansen) í gær. Við erum vel staðsett á litlu hóteli með nettenginu !!!
Opnunin á sýningunni var fín allt öðruvísi en við erum vön heima. Galleríið er á þremur hæðum og voru opnanir á þeim öllum. Boðið var uppá japönska litla rétti og bjór með ansi huggulegt. Ég fekk þann allra stæðsta blómvönd sem ég hef fengið á ævinni trúlega meter á breidd og 80 sm. á hæð!! frá ræðismanninum á Kyoto Kanji Ohashi og sendiherranum í Tokyo. Um kvöldið fórum við út að borða í boði sendiherrans Þórðs Ægirs Óskarssonar undir magnaðri leiðsögn Halldórs Ásgeirssonar listamanns..
Við enduðum kvöldið hjá japönskum vini Þórðs sem rekur bar í Gion ( elsta hluta Kyoto) sátum saman á gólfinu á tatami mottum í litlu herbergi á annari hæð en húsið er 110 ára gamalt "geisu hús". Mjög gaman.

sakura sakura og bless i bili

2007-03-17T21:18:00.000-07:00

nokkrar línur áður en ég fer héðan.. hef ekki verið dugleg að blogga sorry.

En það er helst að brennslurnar gengu vel hjá mér nema ég sveið svolítð af hárinu þegar ég kíkti í ofnin og æsingurinn var að fara með mig. En lyktin var nú kannski magnaðari en skaðinn.

Hér hef ég greinilega náð að þró með mér persónulegan brennslustíl í þessum gasofnum sem ég hef verið að nota. Mínar brennslur taka alltaf nokkrum klst. lengur en hjá öðrum og þykir nokkuð fyndið. En ég er ss sátt við útkomuna hef pakkað í kassa og gert klárt fyrir sýninguna, tekið til í herberginu og pakkað.
Síðustu dagar hafa verið frekar annasamir hér því ég hef verið með annan fótinn á "rennsluworkshop" hér er einn japanskur snillingur með kúrs í gangi.......magnað.

þá segi ég bless í bili er á leið til Kyoto verð þar næstu daga fer svo til Tokyo með mínum heittelskaða og verð þar í nokkra daga og vitið hvað!! við náum trúlega SAKAURA tímabilinu eða þegar kirsuberjatrén blómstra. ( blómin standa í viku) Því er spáð að það gerist óvenju snemma í ár, því hér hefur verið fremur hlýtt í vetur (þó sá hiti hafi alvega farið framhjá mér)
Hlakka til að sjá ykkur..
subbubjallan

nudd brennsla og vökustaurar

2007-03-07T09:13:00.000-08:00

Sæl verið þið.
Nú er ég að brenna leirinn sit uppi eins og vökustaur og bið eftir að ofninn nái topp hitastigi. Það gæti nú verið bið á því svo ég er alveg róleg enn.
En ,,,ég fór til Kyoto sl föstudag, greip tækifærið því var að ljúka við leirvinnuna og leirinn kominn þurkkun. Hafði sossum ekkert sérstakt erendi nema að frílistast. Svo þar sem ég er að rölta um borgina rak ég augun í auglýsingaskilt hjá fótanuddstofu sem var bara einum of girnilegt fyrir þreyttar tær. Mér fannst ég nú aldeilis hafa unnið mér inn fyrri svona meðferð. Ég á staðinn og eftir smá misskilning og samskiptaörðuleika var ákveðið að fara í fóta og höfuðnudd en sleppa öllu þar á milli!!!! áður en ég vissi var ég komin í fínar stuttbuxur og bol og í básinn. Nema þegar ég er búin að liggja með tærnar í bleyti í smá stund er mér vísað á bekkinn. Þá byrjaði ballið maður lifandi......ég hélt hún mundi murka úr mér lífið konan eða svona næstum,,, en hún nuddaði af mikilli kunnáttu og var mjög sannfærandi allan tíman. Höfuðnuddið var nú bara notalegt miðað við hitt og ég óskaði mér að ég hefði höfuð tvö.....varð pínu vönkuð á eftir. Þegar ég er rétt komin útfyrir dyrnar þá hitti ég Halldór myndlistamann sem er búsettur í Kyoto það var nú meiri tilviljunin, skemmtileg og óvænt. Við fengum okkur kaffi og fórum síðan að skoða meiriháttar búð sem selur all mögulegt fyrir calligraph, pennsla og blek oþh. Búðin hefur trúlega verrið óbreytt undanfarin 400 ár og gott ef sama starfsfólkið er ekki enn þarna við vinnu. Gaman gaman...
Nú verð ég að kíkja á ofninn. klukkan rúmlega þrjú allir í fastasvefni nema tveir japanskir listamenn sem voru að súpa sakí og hafa fengið aðeins of mikið í aðra tánna..en gott að vita af þeim í eldhúsinu þó þeir séu orðnir ölvaðir og eru búnir að gera eina tilraun með að sjóða spaghetti....... Jamm þetta tosast nú fer ég að verða stressuð á að missa niður pressuna á ofninum ég kíkji á hálftíma fresti er að horfa á einhverja körfuboltamynd sem er að taka einkennilega stefnu...vona að það haldi mér vakandi..Hálf fimm og ofninn ekki búinn að ná toppi þeir félagar að koma sér í ból ..... best ég fari í ofnaherbergið því nú fer spennan að ná toppi....
Bless í bili

tunglið tunglið

2007-02-28T00:54:00.000-08:00

Sæl ...................
Ég var að koma úr göngutúr, hef oft farið í göngu hér í garðinum sem er mjög fallegur. Stofnunin er staðsett í skógarhlíð (220m. yfir sjávarmáli) og er garðurinn hannaður í nokkrum mismunandi flötum með brekkurm og tröppum á milli. Svo eru leirlistaverk um allt svæðið eftir mismunandi listamenn sem koma alstaðar frá. Þau eru náttúrulega eins mismunandi og þau eru mörg.............. Á efsta svæðinu er listasasafnið og þangað gekk ég í dag og bak við það er yndislega fallegt svæði, þá er maður komin uppá toppinn á hlíðinni og sér niður hinummegin. Skógurinn er skemmtilegur og ákkúrat á þessum tíma(eða kannski hef ég bara ekki skoðað nógu vel) er bambusinn svo fallegur. Mjóar langar stangirnar eru mismunandi grænar og út í brúnt, rendurnar á stönlunum eru líkan mismunandi á litinn svo er laufbrúskur efst fínleg ljósgræn blöð sem hreyfast fjörlega í köldum vindinum. (sem er í dag) Þegar maður kemur þarna upp getur er hægt að sjá sólina setjast hún verður svo fallega rauð (næstum því eins og japanski fáninn) Tunglið er líka alltöðruvísi séð héðan en heima. Best að spyrja ..... við segjum vinstri vaxandi, hægri hverfandi. Hvað er sagt hér..... umm best að athuga það. Eins og karlinn í tunglinu horfi á tærnar á sér...

Það var frekar skrítið að koma á vinnustofuna í gær mér fannst ég alveg vera búin að vinna það sem ég ætlaði. Ég brenni hrábrennslu á sunnudaginn og ekki mikið sem ég geri úr þessu enda er ég komin með fullan ofn....og ekki tími til að þurrka leirinn á svona skömmum tíma. Ég er með smá tilraunir í gangi, ekki annað. Svo eftir þessa törn er núna frekar rólegt og ég farin að hugsa um glerunga, transfera og uppsettningu á verkunum...

Er að hugsa um að gerast aðstoðarmaður í anagama brennslu í næstu viku gæti verið gaman og fróðlegt.....Ein skosk kona sem ætlar að brenna hjá meistara hér í bænum....og sárvantar lipran aðstoðarmann...brennslan tekur reyndar fjóra daga subbubjallan ætlar aðeins að reyna að hjálpa til.

bariumsukklaðisynd

2007-02-26T03:22:00.000-08:00

Sæl verið þið..

Við fórum fjórar skvísur héðan í hvera almenningsbað fyrir helgi. Það var ótrúleg snilld,, við vorum þreyttar og þvældar eftir langan vinnudag þegar við lögðum af stað, ætluðum varla að hafa okkur af stað. Það er ca. 25 mínútna keyrsla á staðinn eftir hlykkjóttum óupplýstum sveitavegum. Og eftir ítarlegar lýsingar á ökulagi bílstjórans var ég í vafa um að hugmyndin væri góð. Ferðin gekk áfallalaust og við fundum staðinn í fyrstu tilraun sem upphaflega sveitabýli. Ennþá er einhverskonar búrekstur í gangi amk. er hægt að kaupa mjólk í litlum flöskum sem ku vera heimaframleiðsla.

Við vorum reyndar svolítið seinar en höfðum klukkustund til að athafna okkur. Þarna er líka möguleiki að fara í einskonar gufubað sem ég prófaði þegar ég var hér árið 2004, en tíminn var naumur og finnst við höfðum svona takmarkaðann tíma var ekki um annað að velja en annað hvort ........ við völdum að fara í heitu hvera böðin. Algjör sæla þarna er hvorki asi né hávaði... sér pottar fyrir hvort kyns, börnin fylgja oftast konunum.... oft fara ömmurnar, mömmur og börn saman. En allt er á lágstemmdum nótum og er ég alveg hissa hversu börnin eru afslöppuð og róleg. Allri þvo sér rækilega sitjandi á pínulitlum tré kollum með tréfötur og ausa yfir sig vatni til að skola sápuna burt. Allir eru án sundfata en maður fær lítið handklæði (sem er rúmur þvottapoki á stærð) með sér. Einn steyptur innipottur og þrír úti sem eru mismunadi af stærð og hitastigi, umhverfið allt náttúrulegt og er svæðið umkringt trjám og grjóti.
Núna er ég á því að við ættum að banna sundfatnað í sundlaugunum heima um tíma,,, bara til að athuga hvort ekki lægji aðeins í hamagangnum. Hamagangurinn er sossum ekki verstur en þegar pirraðir sundlaugaverðirnir fara að hrópa og kalla í hátalarakerfið þá fer fyrst að kárna gamanið!!

Ég hjólaði í pósthúsið og kaupfélagið í dag í góðu veðri, stór mínus að umferðin er alveg rosalega þung í gegnum bæinn. Mikið af stórum fluttningabílum sem fara hér í gegn. Svo er umferðin vinstamegin hér sem gerir mig svolítið óörugga ég tala nú ekki um þegar maður er með innkaupapoka og rúmlega meterslanga vorlauka sem standa út úr í körfunni á hjólinu....(var að versla í matinn) Ég fekk á tilfinninguna að endinn á lauknum snerti dekkin á bílunum sem keyrðu framhjá á fullri ferð.

Svo keypti ég mér súsi bakka svo það var veisla hjá mér í kvöldmat... talandi um veislu þá bakaði ég SYNDINA í gærkveldi og bauð félögum mínum og gerði stormandi lukku. Ég var með uppskriftina á blaði en það er engin vigt í eldhúsinu hérna og þegar ég ætlaði að nota slummp aðferðina varð uppi fótur og fit í eldhúsinu.... það var hlaupið í glerungaherbergið og ein viktin sótt. Hún var þvegin hátt og lágt, en ég fekk smá áhyggjur því við viktum baríum og lithium oxið á þessar vikt. En þau vildu það frekar en að taka sjens á að ég væri ekki með þetta uppá gramm (týpískir japanir) Súkklaðikakan var góð en ekki alveg eins og heima,,, kannski var það bara baríumið.....hum..

tvær vinnustofur

2007-02-22T04:07:00.000-08:00

Jæja elskurnar...
Loksins.
Það sem hefur staðið uppúr síðan síðast er trúlega tvær vinnustofu heimsóknir sem ég hef farið. Sú fyrri var í heimsókn
til Kiyotsugu Sawa sem er vel þekktur hér í Japan og vinnur "hefbundið á þjóðlegum nótum" og brennir í ANAGAMA ofni. Vinnur bæði nytjahluti og hluti sem eru kannski ekki alveg til daglegs brúks,,, verðið hefur töluverð áhrif þar á. Ódýrasti tepotturinn hjá karli var 250.000 þúsund ísl. krónur.

Það var mjög gaman að kíkja á vinnustofuna til hans það eina sem minnti á nútímann var gamall ískápur sem stóð utandyra og hristist með miklum stæl. Umhverfi vinnustofunnar var ekki síður áhugavert því hann hefur leirnámurnar nánast bakgarðinum !! Við gengum um svæðið, sumir tóku með sér klípu af jarðveg í poka. Leirinn situr í lögum í jarðveginum, svo við þurftum að leita að heppilegum stað þar sem maður sá greinilega hverning jarðvegurinn skiptist í lög. Svo var krafsað og klórað en enginn með skófu eða svoleiðis græju, enda ekki alveg víst að karlinum hefði litist á blíkuna ef við tækjum of mikið af leirnum með okkur. Svo var farið með fjársjóðinn á vinnustofuna hann sigtaður og þá var hægt að nota ca. 20% annað of gróft..svo mér datt í hug að gera fingurbjörg.... Skemmtileg heimsókn og fróðleg.

Svo í dag fórum við þrjár saman í heimsókn til Kiryoko Koyama sem er listakona og bý alveg við hliðina á vinnustofunum. Hún byggi sinn Anagama ofn fyrir rúmum fjörutíu árum og hefur verið "farsæl í starfi" miðað við að vera kona í faginu. Þetta er karlafag eða kannski karlrembufag hér í Japan. Þegar ég var hér árið 2004 var verið að gera kvikmynd sem byggð er á lífi þessarar konu, sem hefur verið viðburðarríkt... Maðurinn hennar stakk af þegar þau voru búin að eignast tvö börn en hún náði að vinna sér nafn í faginu og gott betur en það. Hún missti son sinn á þrítugsaldri úr hvítblæði. Hann vann einnig í leir og gerði mjög fallega hluti sem við fengum að sjá í dag. Hún var mjög glöð að við skildum hitta á hana hún er á stöðugum ferðalögum flytur fyrirlestra viðsvegar um Japan, um verk sín og sonarins.
Annað er við það sama ég vinn og vinn og vinn og elda mísosúpu annað slagið...

bilstjoratyggjo og grænt kitkat

2007-02-12T04:26:00.000-08:00

Ég svaf alla leið til níu í morgun,, því ég helt að hér væri frí eins og venjan er á mánudögum....þá eru vinnustofurnar ekki upphitaðar. Nei nei þá var frídagur í Japan gær sunnudag og þegar frídagur kemur upp á sunnudag þá er gefið frí á mánudegi. Svo það var aukafrí í dag og svo verður venjulegt mánudagsfrí með kaldri vinnustofu á morgun :-) En það er sem betur fer aðeins að hlýna hérna .
Við Joshí (sem er á bíl) fórum að skoða mjög fallegt keramikstudío hér í þorpinu þar eru þrír keramikerar eru með aðsöðu, faðir og tveir synir hans. Stórar vinnustofur með nokkrum ofnum þam. tvemur japönskum ANAGAMA ofnum sem eru stórir viðarbrennsluofnar. Það getur tekið allt að viku að ná fullum hita í svona ofnum og þá er stöðugt verið að henda brenni inní ofninn!!! Útkoman getur verið óútreiknanleg en mjög falleg.
Okkur var boðið í betri stofu eins og fengum við "treat" eins og stóru kúnnarnir fá,, okkur var fært te og hlaupbiti sem borðaður er með trépinna og kraup eignkona húsráðanda á gólfinu og hélt okkur félagskap á meðan við nutum veitinganna .. mjög gott... svo uppgötvaði ég green tea kitkat súkklaði í búðinn í dag,,, ótrúlega gott og flott svona grænt....Joshi bauð mér tyggjó á heimleiðinni sem er svo sterkt að maður tárast fyrst þegar maður tyggur það en það er sérstaklega gert fyrir syfjaða bílstjóra!!best ég flyti svoleiðist inn til landsins líka, með öllum hitaplástrunum sem ég ætla flytja inn í gámvís.

Aðalbrill vikunnar ..........

2007-02-11T02:33:00.000-08:00

Sæl verið þið...

Tjaaa nú finnst mér frekar langt síðan ég skrifaði línu... Það hefur verið mikið að gera hjá mér og ég hreinlega ekki haft orku í að skrifa. Tekur á að vera ég.....ha. Ég er að vinna frekar stóra gripi þessa dagana og nota svartan grófan leir. Nú er svo komið að ég er öll orðin tætt á fingurgómunum (þannig að ég rispa lyklaborðið á tölvunni!!) og hef fengið sprungur við neglurnar.. Ekki skemmtilegt. þetta á trúlega þær skýringar að leirinn er mjög grófur, ég alltaf með blautar hendur og svo hefur verðið frekar kalt. BANG og svo til gamans má láta það fljóta með að ég hef alltaf sorgarrendurundir nöglunum líka!! En nóg af fingrafréttum í bili.

Aðalbrill vikunnar eru hitaplástrar sem ég hef verið að prófa SKO nú ætla ég að flyta inn heilan gám af þessum dásemdum.. Þvílík hugmynd. Nú veit ég sossum ekki hvort þetta er til heima en það hefur allavega alveg farið framhjá mér. Það ætti deila þessu út (eins og smokkum á útihátiðum) meðal ferðamann sem koma til landsins og ætla á blankskóum og silkiskyrtum á hálendið. Ég mundi ekki slá hendi á móti svona luxus í tjaldútilegu á köldum sumarnóttum!! Plástrarnir sem ég hef prófað duga í 12 klst. og eru 40 gráður á celsíus. Svo límir maður þá flíkina sem liggur næst manni, ég hef t.d. gengið með plástur á mjóbakinu í tvo dag og finnst það alveg frábært. Það er hægt að fá þá í ýmsum stærðum og gerðum t.d. eru til sérstaklega hannaðir plástrar á axlir.. Svo er líka hægt að fá þá fyrir börn sem væri afskaplega sniðugt fyrir ungabörn sem sofa í vagni úti á svölum. (sem er frekar einkennilegur siður heima á Íslandi)

Ástæðan fyrir því að ég prófaði að plást mig var að ég var eins og ég væri að fá flensu.............hér hefur verið að ganga einhver svæsin flensa og ég frekar áhrifagjörn og ímyndurnarveik að upplagi. Og mér leist ekki á blikuna þegar ein stúlkan var færð á sjúkrashús og ég með mína meðvirkni.....fór að kvarta við Minori aðalkontaktinn minn hér. Sagði henni að ég væri eins og að verða hálf lasin illt í hálsi og með höfuðverk, ég var ekki fyrr búin að sleppa orðinu en hún hendir mér inní bíl og af stað í apótekið. Það lendum við (aðalega hún) á hálftíma spjallið við apótekarann. Sem er mér að góðu kunnur. því hann seldi mér vítamín um daginn. Sem væri ekki í frásögu færandi nema fyrir þær sakir að ég tek tíu töflur á dag jamms tíu ..10...
Ég varð strax svolítið eins og með varann á þegar hann byrjaði að valsa um apótekið og benda og benda. Svo er apótekarinn frekar sérstakur útlits,, allt í lagi með það og bara sjarmerandi, nema hann er ekki rangeygður heldur svona úteygður(ákkúrat öfugt við rangeygðuna, skiljiði) hann hlýtur að sjá næstum allan hringinn maðurinn. Og það verður einhvernveginn ekki mjög sannfærandi þegar hann byrjar að benda. En ég fer út með kínverska náttúrulyfjablöndu og þessa plástra. Kínverka lyfið var í þrem litlum brúnum glerflöskum svolítið eins og jagemaster. Ég átti skv. leiðbeiningum hans að blanda innihald hverrar flösku með sama magni af heitu vatni, milli mála, ekki södd ekki svöng og klára flöskurnar á einum degi. Sem ég gerði samviskusamlega og varð "a bit strange" en fekk svarið "no that was before" og þótti ógurlega sniðugt. En ég er bara brött núna reyni borða hollt og sofa vel.

Það var gaman í gær því ég gat hringt heim fekk svona skype símainneign og svo á ein japanska skvísan hér skype síma, sem stungið er í tölvu og getur malað í tíma og ótíma. Ég gat s.s. spjallað við Hjalta og náði að vekja drenginn klukkan rúmlega tvö og svo gat ég rétt spjallað við Hrein sjóara sem er í stuttu stoppi...og svo hann Dóra í Ameríkunni... fekk svolitla heimþrá og langaði í kjötbollur með rabbabarasultu.

boðflenna og blindnudd

2007-02-05T04:01:00.000-08:00

Ég fekk óboðinn gest heimsókn í herbergið mitt í morgun. Opnaði gluggann til að heilsa deginum og fá kristaltært loftið í lungun og hafði gluggan opinn í smá stund. Fór að bardúsa með myndavélina og lít í gluggann er þá ekki þar þessi líka heljarinnar padda með þreyfara og gaddakryppu (en pínu sæt) en of stór fyrir minn smekk. Ég stökk út úr herberginu að fara á límingunum og náði í Joshí sem er japanskur listamaður. Ég held hann misskilið og haldið að það væri skógarbjörn í herberginu enda ég lafmóð í mikilli geðshræringu að lýsa aðsæðum. Hverning má það vera um hávetur, frost á næturna og snjór yfir öllu síðast í gær að svona padda er í fullu fjöri ??
Nú er Joshí kominn í dýrðlingatölu í mínum huga en ég ætla ekki að reyna að skíra það út fyrir honum, nægur misskilningur er í gangi hér svona á basic nótunum..... Svo er hann greinilega góður kokkur og kenndi okkur að gera frábæran japanskan kjúklingarétt í gærkveldi. ummm.

Ég tók mér frí frá vinnustofunni í dag, enginn hiti á mánudögum á vinnustofunni..... en veðrið var svo gott og gaman að sportast í þorpinu. Tók myndir og skoðaði garða sem eru margir mjög fallegir með bonsai trjám oþh. Keypti mér nokkur keramik verkfæri og fór í krúttlegar búðir þar sem lágmarksaldur afgreiðslufólksins er um áttrætt og búðin í þeim stælnum líka. Þar gat ég keypt mér tvo pensla en þar er hægt að fá allt milli himins og jarðar, naglalakk, teketill, garðslöngur, svuntur, bíldekk og svo heitt kaffi í sjálfsalanum...

Við vorum að ræða það við matarborðið áðan hversu gott væri að komast í nudd og fórum að segja nuddreynslusögur þá sagði ein hér að besta nuddið sem hún hefði fengið hefði verið hjá blindum nuddurum í Tæivan og Kambódíu en þar geta eingöngu blindir lært einhverja sérstaka tegund af nuddi. Einhverskonar einkaleyfi fyrir blinda, hljómar alveg brilljant er það ekki??

SETSU BUN

2007-02-03T03:32:00.000-08:00

Í dag er sá dagur ársins þegar japanir rekar djöfulinn út úr öllum hornum eða SETSU BUN!! Og hér koma hagnýtar upplýsingar fyrir þá sem þess þurfa : Til að reka út djöfulinn;; maður límir litlar trjágreinar á hornin á nærliggjandi húsunum, borða súsírúllu sem er ca. 30 sm. löng og snýr í norðnorðvestur á meðan borðað er og í einum rykk, bannað að tala eða snúa sér á meðan. Setja upp grímu af "djöflinum" og henda í sojabaunum í nærstadda og garga ONI WA SETO, ONI WA SETO sem þýðir DJÖFLAR ÚT DJÖFLAR ÚT og svo FUKU WA UCHI, FUKU WA UCHI sem þýðir HEPPNINA INN, HEPPNINA INN.......svo ég hef gargað af kátínu í allt kvöld, kastað baunum út og suður og viti menn......... djöflar á bak og burt... ættum vð ekki að taka þennan sið upp heima, ha??

Það er eins og prufuofninn hafi verið andsetinn því það sprungu tvær prufur í tættlur hjá mér......hendi nokkrum baunum í hann í kvöld...

Ég er ekki viss um að vinkona mín sú sem þvær gólfin verði jafn kát á morgun,, allt í baunum... þessi elska kom með fullan kassa af smákökum í viðhafnarpakkningu í morgunn og gaf okkur. Eg hef mestar áhyggjur af því að hun eyði öllum launum sínum í okkur hér. Í gær kom hún með grænmeti og allt annað sem þurfti til að elda fína súpu. Hún gengur 35 mín. í vinnuna og teymir hjólið sitt svo hún þurfi ekki að bera það sem hún kemur með. Engill þessi kona best að hundskast til að sópa...

frekjukast

2007-02-02T04:07:00.000-08:00

Sæl verið þið .....

Hér snjóaði í morgun með mikilli frekju ! Það hefur verið ískalt hér um allt og ætlaði aldrei að
hlýna almennilega á vinnustofunni. Ég er að pínulítð að þrjóskast við að nota olíuhitarann
það er eitthvað svo aumingjalegt að vera frá Íslandi og þola ekki smá kulda! Svo verður loftið eitthvað
svo þungt og dautt eftir að hafa haft logandi á græjunni í svolítinn tíma. Minnir pínulítið á stemminguna þegar
ég var lítil stelpa með karli föður mínum og við krakkarnir fengum að fara með í trillusiglingu í Kópavoginum. Þá var einmitt
lykt, hljóð, höfuðverkur og ógleði en samt eitthvað svo spennandi og gaman. (sérstaklega þegar systir mín stívélabaninn
var með í för,,, thíhí hí mannstu Hildur)
En sem betur fer tók ég með mér til Japan fínu termosilki langbrókina og bolinn sem ég keypti í Ameríkunni fyrir Kárahnúkaferðina sem ég fór í sl. sumar. Nærgallinn bjargaði mér þá og ætlar að greinilega að bjarga mér aftur núna og svo er bara lag yfir lag klæðnaður. Ekki alveg Yamamoto en svona næstum því....

Ég er að horfa á afskaplega einkennilegt sjónvarpsefni með öðru auganu MIASAKI teiknimynd sem er svo draugaleg
að ég held ég þori ekki út í myrkrið að kíkja á ofninn!!!! Ég spurði í furðu minni hvort þetta væri barnaefni en er gert
fyrir fullorðna hjúggg. Eg er s.s. að brenna eina prufubrennsluna enn, er að tilraunast
með glerunga. Þá þarf ég að stökkva út með reglulegu millibili og stilla ofninn og fylgjast með. Hér er lýsing af
skornum skammti eins og hitinn eða hér væri réttara að segja að ég væri svo góðu vön .............

kristfríður heljarbrók segir bless í bili.........

2007-02-01T04:16:00.000-08:00

Sæl verið þið..

Ég ákvað að skrifa smá áður en ég skríð í bólið. Ég er hálf löt og þreytt (ekki af vinnu neinei) það var nefnilega partý hér í gær.
Við erum tvö sem erum nýkomin á staðinn og það var verð að bjóða okkur velkomin. Það var heilmikil matarveisla
frábær japanskur matur namminamm. Þetta var mjög notalegt og mikið fyrir manni haft þær stóðu í eldhúsinu næstum
allan daginn þessar elskur.
Ég gjörsamlega er orðin háð grænu tei og eru ýmsar spennandi útgáfur af inntöku. T.d. prófaði ég í gær að blanda
þartilgerðri kryddblöndu saman við heitt teið og hella yfir soðin hrísgrjón ummmm,, mjög gott. Svo fekk ég mér kalda
sojamjólk með grænu tei sem hægt er að kaupa í litlum fernum (svona eins og kókomjólkin er heima) afskaplega hressandi.

Af vinnustofunni er það helst, að ég hef nýlokið við nokkrar tilraunir ég brenni leirinn sem ég nota við mun hærra hitastig
en gefið er upp. Þá halda japanarnir fyrir litlu augun sín og hrista bara hausinn, það hvarflar ekki að þeim að brjóta reglurnar.
En þegar leirinn er brenndur svona hátt fara efnin að bráðna ínní honum og spýtast út og sjá..... þessi flotta grófa áferð.

Best að skjótast aðeins undir sæng og undirbúa ferðina í draumalandið...

2007-01-30T04:03:00.000-08:00

Takk fyrir afmæliskveðjurnar elskurnar..
Allt gott af þér,, finnst ég bara vinna og sofa um þessar mundir. Ég fór reyndar í leiðangur fyrir stuttu, við skruppum þrjú saman í næsta þorp í innkaupatúr í byggingarvöruverslun. Það er alveg frábært ég var eins upprifin og á góðri myndlistasýningu.
Eg náði reyndar ekki að skanna nema svona 20% af búðinni verð að reyna að komast þangað aftur og gefa mér
betri tíma. Það væri kannski ekki vitlaust að taka með sér nesti líka!
Við notuðum ferðina og skruppum í matvörubúð í leiðinni það ku vera dýrt kaupfélagið hér hjá okkur í Shigarki.
Ég gerðist nú heldur djörf í innkaupum
og keypti mér fiska í matinn já þrjá litla sæta..... einhverskonar ...gúbbífíska og þykja mjög góðir grillaðir. Ævintýrðið náði ekki alla leið á pönnuna því með einhverjum dularfullum hætti hurfu fiskarnir úr innkaupapokanum. Við vorum reyndar á
pallbil og settum pokana á pallinn kannski hafa þeir hrokkið af ,,allavega er málið allt hið einkennilegasta.

Það var yndislegt veður hér í dag stafalogn, sól og nokkuð hlýtt. Minnti á mig á vorið og til að fá ennþá meiri stemmingu
fór ég í hjólatúr í þorpinu.. Hjólið minnti mig á hjólið sem systur mínar áttu og gat ég ekki annað en brosað þegar reyndi að ímynda mér hverning þær deildu þeim kostagrip með sér!! Kannski hef ég aldrei almennilega komist útúr "Ég fekk ekkert hjól eins og hinir krísunni" Ég allavega naut mín í botn í þessum hjólatúr enda heyrði ég engan hrópa:: NÚ MÁ ÉG, NÚ MÁ ÉG.....
Ubbs nú er verið að kalla á mig í japanskan desert og sætindi.. Ég var nefnilega að ljúka við að borða þá er gott að setjast fyrir framan tölvuna..............bið að heilsa í bili....subbubjallan

panikkk

2007-01-25T19:27:00.000-08:00

Jæja elskurnar...

Það munaði engu að ég fengi taugaáfall í gærkveldi og aftur í morgun. Þannig er að tölvan mín fína getur haft þessi svakalegu áhrif. Svo er alltaf talað um að tölvutæknin létti manni lífið. Fyrir mína parta dreg ég það stórlega í efa. Ég var s.s að opna skjöl sem ég fekk á disk frá galleryinu í Kyoto, þar mun ég sýna í mars. Upplýsingar um opnun, logo oþh. Nema þegar ég ætla að vista skjalið þá fer allt að blikka á skjánum það vantaði bara babú babú og reykjarmökkinn. Þetta hefur reyndar gerst tvisvar áður en þá var ég svo sannalega ekki símalaus í Japan !! En ég gat sem betur fer náð sambandi við
elsku Emmu san og Henning san í Ameríkunni. Þau björguðu málum því ég gat notað tölvu á staðnum og eftir fjórtán pósta ............og sjá. Það er engin spurning um fálkaorðuna og humarveislu fyrir þau hjónin....

Annað bara við það sama..ég er að brenna prufur í dag þá þarf ég að kíkja á ofninn á ca. klukkutíma fresti og hækka og lækka
eftir því hversu hratt hann brennir. Þetta er reyndar rafmagns prufuofn en ekki gas ofn eins og ég kem til með að nota. En gefur mér smá hugmynd hvort ég er ekki örugglega á réttri leið með glerunginn oþh....
Best að kíkja á ofninn,
subbubjallan

vinna og vettlingar

2007-01-21T23:20:00.000-08:00

Jæja elskurnar....
Nú er ég rétt að ná áttum eftir ferðalagið. Sálin mætti trúlega á svæðið í gær!! Það hefur farið heilmikil orka í að snúa sólahringnum enda gert með handafli í þetta skiftið.

Ég var mikið glöð að sjá að starfsfólkið er nánast það sama og var hérna 2004 meira að segja skúringarkonan sem
ég tók sérstöku ástfóstri við, vinnur enn á staðnum. Það fyrsta sem þessi elska gerði þegar við hittumst var að gefa mér
bakaða sæta kartöflu. Mín alltaf söm við sig !! og ekki nokkur leið að afþakka (trúlega nestið hennar) . Svo það var ekki um annað að ræða en skella henni í örbylgjuna og borða hana með bestu lyst. amminamm. Ég vona bara að hún fari ekki að vera með þennan höfðingskap daglega. Það færi alveg með mig.

Ég er búin að koma mér fyrir í litla herberginu enda lítið mál þegar radíusinn minnkar snögglega. Ef ég stend í miðju herberginu get ég teygt mig í allt!! Bara krúttaralegt.
Ég fór daginn eftir að ég kom og keypti leir svo ég byrjað að vinna. Ég nota sama leirinn og síðast, ljósan, grófan, algjört dúndur svo ætla ég að prófa nýja týpu af svörtum leir sem lofar góðu. Svolítið skrítið að byrja að vinna, leirinn hann er mjög blautur og ískaldur. Hér hefur verið frekar kalt en vinnustofan og herbergin eru upphituð en gangar og tengibyggingar kaldar. Í dag mánudag er ekkert starfsfólk á staðnum og vinnustofur ekki hitaðar upp. Svo ég fekk að láni einhvern dularfullan olíuofn sem ég hef við hliðina á mér þar sem ég stend við vinnu, þá get ég sleppt húfunni og vettlingunum!
Ég er komin í hörku vinnustuð enda eins gott því tíminn er naumur.
Best að skella sér aftur á vinnustofuna með heitt grænt te...
subbubjallan

2007-01-19T19:04:00.000-08:00

sæl öll...
Ég er komin til Japan á leiðarenda. Ferðin gekk vel bara þreytt eftir langt ferðalag...
knús,
subbubjallan

x

2006-11-10T14:23:00.000-08:00

sma upprifjun

2006-11-10T14:07:00.000-08:00

jamms

Litla paradisin Naoshima.............

2004-11-15T02:44:00.000-08:00

Sæl nú!!
Ferðin til Naoshíma gekk svona glimrandi vel hjá mér. Ég hafði ekki gert mér i grein fyrir í upphafi að ég þyrfti að tvískipta um lest á leiðinni, en áttaði mig í tíma. Ég hafði allar upplýsingar frá Shigaraki útprenntaðar úr tölvunni í en japönsku!!! Og hafði fegið lauslegar upplýsingar og tvö stikkorð á ensku. "En það bjargast alltaf allt" eins og einhver sagði.

Svo ég endaði á þessari fallegu pínulitlu eyju þar sem búa uþb. 3.800 manns. Tók strædó sem keyrir hálfhring á eyjunni fram og til baka. Fór á endasöð þar sem "tjaldsvæðið" er í yndislegu umhverfi innanum fallegar byggingar og listaverk. Tjöldin standa uppi allt árið um kring og er um að ræða nokkur hringtjöld "Paó" sem eru gerð eru að fyrirmynd tjalda sem móngólar búa í og stærri tjöld öllu einfaldari að útliti sem eru fyrir stóra hópa.
Ég var ein (ásamt einni kongló) í fjöguramanna tjaldi sem hraustlega byggt á timburgólfi með trégrindarveggjum og lofti. Fjögur uppbúin rúm borð, náttborðum, eldhúsborð og stólar, rafmagni og hitara ofl. Á staðnum var nokkuð nokkrar byggingar s.s. veitingastaður, bókasafn og japanskt almenningsbað sem stóð manni til boða að kosnaðarlausu allan sólahringinn (eitthvað sem er sorglega óhugsandi hér heima, ekki satt??) Gistingin í tjaldinu ásamt kvöld- og morgunverði kostaði uþb. 5.500 isl.krónur.

Spölkorn frá tjaldsvæinu (10 mín ganga) er Benesse House Naoshima nútímalistasafnið staðsett, sem hannað eins og fleiri byggingar á eyjunni af Tadao Ando arkitekt og byggt 1992. Byggingin er spennandi hýsir bæði listasafnið og á tveimur efstu hæðunum eru nokkur hótelherbergi sem virðast rekin í samkrulli við safnið!! Ég gat því miður ekki skoðað þann hluta byggingarinnar þar sem ég var ekki gestur hótelsins.

Þema verkefnistins frá upphafi þarna á eyjunni hefur verið "náttura og list" og "saga og list". Og er mjög gaman að rölta um svæðið sem byður uppá yndilega náttufegurð og spennandi listaverk við nánast hvert fótmál!!
Frábær ferð en bara alltof stutt ég var í rúman sólahring á eyjunni og hefði getað hugsað mér að vera svo miklu, miklu lengur.
subbubjalla

ligga ligga la

2004-11-06T03:08:00.000-08:00

Sæl öll saman!!
Nú er kveðjuparýið búið það var haldin þessi líka svaka fína veisla í gærkveldi. Það byrjaðið á að ein ræstikonan sem vinnur hér og hefur tekið miklu ástfóstri við mig (og ég við hana) færði mér tómata og lauk. Við köllum hana "high attention" því hún talar linnulaust og hlær. Hún er yndisleg, algjör orginall þessi kona, hún heftur talað við mig daglega síðan ég kom, á japönsku reyndar, en það kemur ekki að sök, meira að segja japanarnir skilja hana ekki allltaf !!! Hún er alltaf færandi okkur eitthvað gaf mér t.d. nokkra smápeninga í sumar, laumaði þeim í lófann á mér og ekki möguleiki að afþakka.

Þegar byrjað var að undirbúa matinn var mér vísað úr eldhúsinu og eins og svo oft hér í Shigaraki bárust hlátrasköllin í takt við grænmetissaxhljóðin. Mikið hlegið og mikið saxað. :Það er eitthavð annað en á daginn þá er þetta fólk svo hljóðlátt á vinnusofunum eins og í leiðslu hlustar á tónlist í mesta lagi. Enda yrði enginn vinnufriður á vinnustofunni ef þetta fólk væri eins og það er í eldhúsinu...
Það var boðið uppá sérstakan vetrarrétt SUKIJAKI. Hann er eitthvað á þessa leið: Grænmeti saxað í hæfilega bita s.s. eins og t.d. sveppir, sveppaklasar hvítar og brúnir, púrrulaukur, gúlrætur sem voru skornar út eins og blóm, grænt salat, tófu og einhvað sem var serstaklega keypt i Kyoto og er eins og "hlaupbrauð" og svo brauð sem bleytt hafði verið í vatni og minnti mjög á svamp.
Þessu síðan raðað fallega á fat og borið fram ásamt nautakjöti í þunnum sneiðum. Síðan voru fitubitar (mör??) bræddir í potti á gashellu á borðstofuborðinu og kjötið steykt í því því næst var grænmeti raða ofaní pottana þartilgerðri sósu hellt yfir. Látið malla í ca. 5 mínutur, þá tók hver og einn egg og braut í litla skál og hrærði saman með prjónum (að sjálfsögðu) síðan dróg maður uppúr rjúkandi pottinum eftir þörfum og velti uppúr hráu egginu. Algjört æði þessi matur. Borðið fram með salati úr tómötum, avokató, lauk og salati, hrísgrjónum og hreðkupikkles.
Við gáfum okkur góðan tíma til að borða og brasa við borðið.
Í eftirrétt höfðu þessar elskur keypt tvær mega rúllutertur eina súkklaði og svo uppáhaldið mitt green tea tertu og ég fekk tvær sneiðar ligga ligga lá (af því þetta var mitt kveðjupartý) og kaffi.
Sama fjörið tók við þegar við fórum að vaska upp eftir matinn við erum orðin ansi góð í að henda leirtauinu á milli. Því það vilja allir vera í eldhúsinu og sá sem þurkkar hendir á annan mann sem hendir á annan og svo koll af kolli þangað til þetta lendir í eldhússápnum (en aldrei á gólfinu óneipp) Mikið fjör.
Síðan var hlustað á meiri tónlist, nafnspjöldum dreyft fram og tilbaka og hlegið aðeins meira. Ég fekk fallegar gjafir, ekta japanskan hálsklút, japönsk kerti, nælur eina frá Hollandi, Ungverjalandi og Japan, áhald undir prjóna (til að borða með), lítinn sætan feltdúk með lamadýri, bolla og ógleymanleg, falleg orð...kveð þennan stað með trega og tárum.
Jæja elskurnar mínar í fyrramálið fer ég snemma af stað til Naosíma eins og til stóð. Meira um það seinna....
Bless elskurnar mínar hlakka til að sjá ykkur heima 11 nóvember.
subbubjalla

þægilegt pigg pigg

2004-11-04T05:08:00.000-08:00

Ég hef unnið ótrúlega vel og mikið þennan tíma í Japan. Sé það betur núna þegar ég fer að pakka þessu öllu niður, svaklegt jobb. Ég hélt ég mundi hespa þessu af á tveimur tímum eða svo nei nei nei er heillengi að bauka þetta. Tvær ferðir að kaupa bóluplast aðra að fá réttu kassana. Er keyrð fram og til baka svo sannarlega farið vel með mann hérna, ekki hægt að segja annað.

Svo er verið að keppast við að sýna mér merkilegustu staðina að skoða í Kyoto ég held ég þurfi að framlengja um nokkra daga.........nei best að koma aftur og þá vonandi fljótlega. Er farin að ókyrrast, vil heim.....

Hjá okkur eru töluverð vonbrigði í gangi með kostninguna í U.S.U. hvað er þetta fólk að hugsa??????

subbubjalla

fallegt, fallegt..........

2004-11-02T04:24:00.000-08:00

Fórum í morgunn í smáferðalag að skoða keramiksýningu. Bílferðin tók tvær klukkustundir og ekki hægt að segja að sýnigarsalurinn hafi verið í alfaraleið, neibb ekki aldeilis. Makalaust að við skyldum finna staðinn svona í fyrstu tilraun, en því er örugglega ekki mér fyrir að þakka. Eg bauðst reyndar til að vera á kortinu af því mér hlotnaðist sá heiður að sitja frammí, ferðafélagarnir voru einkennilega sammála um að það væri óþarfi!!!
Sýning var mjög spennandi pínulítil verk eftir Naoto Hasegawa sem minntu mig helst á hraun eða steina. Hann notar líka örlítið af gleri í verkunum sínum. Býr til lítil form holar þau og setur gler og glerung inní verkið og við brennsluna þennst leirinn út, breytir um lögun. Spennandi verk.
A bakaleiðinni skoðuðum við lika stórt safn og stóra keramiksýningu sem ég var sossum ekkert hrifin af (svo ég sleppi þeirri lýsingu) Í krigum safnið var mjög fallegur garður sem hægt var að skoða, fallegir haustlitir og mátulega heitt til að vera úti.
Keyrðum í Suzuka fjöllunum á leiðinni heim og stoppuðum á yndilsegum útsýnisstað í 820.m hæð og horfðum yfir Yokkaichi borg.
Óvænt og skemmtilegt hjá mér í dag.
subbuspjalla

að klessu.... ojbara

2004-11-01T04:42:00.000-08:00

Þá er komið annað hljóð í strokkinn. Þvílík rólegheit hjá eftir að brennslum lauk var í algjöru letikasti í dag. Tók mér sumarfrí í dag, drattaðist reyndar fótgangandi í pósthúsið að sækja mér reiðufé svo ég geti gert upp skuldir áður en ég yfirgef staðinn. Það var samt svo á mörkunum að ég hefði mig af stað......
Lenti á hörku moskítóveiðum í nótt, vaknaði við suð og spratt úr bólinu geip tímarit með til varnar, algjör Zorro stemmig í herberginu. Drap svo aðra flugu í dag og sú hefur verið búin að súpa hressileg ef marka má klessuna á veggnum. Ég er eiginlega hissa að ég skuli ekki falla í yfirlið af blóðleysi, er ég bólgin og bitin á nokkrum stöðum eftir dýrið. urrgggg
Á morgunn er stefnan tekin á keramiksýningu ætlum nokkur að fara saman á bil. Luxus...
subbubjalla

spenna

2004-10-31T04:30:00.000-08:00

Jæja nú eru brennslurnar yfirstaðnar og ég búin að opna ofnana, algjört spennufall í gangi. Ég var mjög glöð með útkomuna á flest öllu, annað skil ég eftir. Svo nú er bara eftir að pakka þessu fíneríi vandlega og setja í kassa og senda af stað.
Ég fór óvænt og sá stóra, stóra keramiksýningu í nútímalistasafninu í Kyoto, þar sem sýnd voru verk eftir Yagi Kanzuo (1918-1979) sem talinn er vera með þeim fyrstu að gera "objecktiva" hluti úr leir.
Ég kem til með að senda heim stóran búnka af bókum og sýningarskrám af hinum ýmsu sýningum héðan. Þetta er svo spennandi doðrantar, sýningarskrárnar og svo ódýrar, gerir það mjög freistandi að kaupa á hverri sýningu. Svo það eru ca. 15 kg. sem ég sendi með leirnum....... svo ég lendi ekki með töskuna í yfirvikt, það er dýrt spaug...........
Rólegt hjá mér í dag hálfgert slugs eftir að ég opnaði ofnana. Ég er að reyna að gera upp við mig hvort ég eigi að fara til Osaka í lok vikunna og skoða sýningar og fleira spennandi. Er að skoða hvað er í boði þessa daga sem ég á frí.
subbubjallan

hljoð, hiti, litur, lykt (kannski brunalykt)

2004-10-28T03:09:00.000-07:00

Jæja nú er ég á vaktinni yfir stórum, stórum gasofni því nú er ég að brenna glerungabrennslu, jibbý. Ekkert smá spennt að sjá útkomuna, gerði heilmiklar tilraunir og naut þess að sulla með glerunga sem ég hef aldrei snert á áður. gaman gaman. (þangað til annað kemur í ljós)
Ég þarf að kíkja á hitastigið á klukkutíma fresti, hækka þrystinginn á gasinu, hleypa lofti inn í ofninn draga lúgulokið 2 mm í einu, skoða litinn á eldinum má bara vera blár ekki rauður, mæla stærðina á eldtungunni sem kemur út um kíkjugatið á hurðinni, passa að hún sé ekki lengri en 25 sm þá er reductionin of sterk ...... þá hækkar ekki hitinn í ofninum svo þarf líka að hlusta eftir hverning blásturshljóðin eru í ofninum. Svo það sér hver maður að þetta er heilmikið jobb. Svolítið stessandi því ef hitastigið fer að klikka getur verið erfitt að finna aftur jafnvægi svo hitinn trukkist áfram upp. Fekk símanúmer hjá starfsmenni til að hringja í í neyð. Fyrir óvana getur þetta snúist upp í algjöra martröð eins og gerðist hjá belgísku vinkonu minni og portugalanum, þau voru að brenna til kl fimm og náðu samt ekki topphita. Hugsa til þess með hryllingi get ekki hugsað mér að lenda í svoleiðis vitleysu. En hér eru allir boðnir og búnir að hjálpa mér, tengdadóttirin tilvonandi var að bjóða fram aðstoð í þessum töluðu orðum. (ef gengur ekki að fá hana sem tengdadóttir ætla égi að ættleiða hana eða eru einhver aldurstakmörk á þeim gjörningi getur það verið ...... )
Nú er búið að setja kyndingu á húsið og er það algjör luxus ég var orðin ansi samanhert af kuldanum undanfarna daga, eins og fleiri. En haustið er yfirnáttúrulega fallegt hérna, birtan og litirnir. Fekk reyndar svo fallegar haustmyndir að heiman í vikunni, var farin að gleyma hversu fallegt veðrið getur verið á þessum tíma. Haustið er mitt uppáhald.
Best að hlaupa út og athuga ofninn aftur.

Bless í bili elskurnar mínar, subbubjallan

2004-10-23T05:18:00.000-07:00

Júmms, ferðin til Kyoto gekk að óskum, við hlykkjuðumst allof mörg, í litlum kraflausum sendiferðabíl og einn í kremju í "skottinu". Byrjuðum á mac donalds af því einn úr hópum er frá N.Y. og hann fekk sér þrjá hamborgara. Mer fannst ég rétt nýbúin að kyngja morgunnmatnum og ekki ýkjahrifin (en fekk mér kaffi í staðinn) Síðan var farið á markaðinn sem var yndislegur, svo margt fallegt að sjá. Markaðurinn er haldinn 21. hvers mánaðar í gömlum garði innanum musteri of fleira fallegt. Eg keypti sossum ekki margt en fannst þetta spennandi og gaman.
Fórum síðan á súsiveitingastað þar sem maður velur sér súsídiska af belti sem gengur hringinn á veitingastaðnum, mjög gott og ódýrt. Og þar sem hollendingurinn í hópnum átti afmæli bauð hann okkur hinum uppá köku og kaffi á veitingastað sem er í húsi sem Tadao Andó teiknaði og er staðsett við síkji í miðbænum. Fallegt hús en veitingastaðurinn frekar geldur. Fórum síðan á bar eða klúbb það var mjög skrítið....tveir plötusnúðar sem voru aftast á dansgólfinu en þunnt gasefni sem skildi á milli. Siðan var varpað ljósashowi á efnið, mjög flott. Fín tónlist og það sem gerði útslagið voru tveir bongótrommuleikarar sem voru á hnjánum hlið við hlið á dansgólfinu sem gerði þetta mjög kraftmikið og flott. Í byrjun hreyfði fólk sig aðeins á gólfinu en allir snéru að plötusnúðunum.....en þegar leið á kvöldið færðist aðeins meira fjör í mannskapinn. Aðalega útlendingar sem þurftu pláss til að dansa. Það var stöð... Eitt annað öðruvísi það var stúlka sem málaði þá sem það vildu skrautmálingu í andlitið, við kertaljós. Mjög vinsælt og við buðum hollendingnum upp á meðferð í tilefni dagsins. Þarna var dansað framyfir miðnætti þá farið með lest að bílnum og brunað heim. Allir uppgefnir en alsælir, fínn dagur.

Daginn eftir lagði þennan illa daun úr þvottahúsinu sem reyndist af kímanó sem hollendingurinn hafði verið svo rausnalegur að kaupa fyrir konuna sína. (hann keypti reyndar á alla fjölsdylduna en þessi lyktaði svona svakalega) Síðan hefur þessi dýrgripur hangið fyrir utan útihurðina hjá okkur og leggur dauninn af vitum manns þegar meður gengur framhjá. Eg held hann ætti að splæsa í ilmvatnsglas handa henni svona til að gera þetta bærilegt.
Subbubjallan

Lurkur

2004-10-20T07:13:00.000-07:00

Sæl nú.
Dreymdi hana móður mína í nótt og það fyrsta sem ég hugsaði þegar ég vaknaði, var að nú fengið ég góðar fréttir að heiman. Sem reyndist svo rétt...............Alveg eins og maðurinn, sem sagðist vera orðinn svo bergdreyminn og kom með dæmt því sönnunar: hann hafði dreymt að hann væri að borða kringlu og viti menn hann fór í bakarí daginn eftir og fekk sér kringlu. Svona getur nú lífið verið einfalt á köflum.
Það hefur verið rignig, algjört úrhelli samfleitt í tvo daga sem endaði með að fellibylur (númer hundrað eða eitthvað) gekk yfir með rokkvelli. Var reyndar ekkert miðað við annarstaðar í Japan. Fimmtán manns létust og tuttugu er enn saknað á suðurhluta landsins. Frekar illur.
Það er spáð sólskini á morgunn og við ætlum að storma til Kyoto á flóamarkað, hann er haldinn einu sinni í mánuði og er algjört ævintýri. Síðan ætlum við út að borða því einn af hópnum á afmæli á morgunn. Gaman, gaman.
Fréttir af því næst.....
subbubjalla

sjöhundruð í rusli.

2004-10-18T06:47:00.000-07:00

Hvað hef ég verið að gera?? Jamms hef verið í rólegheitum í dag að snuddast í ýmsum smáverkum. Td. við að reyna að ná 700 ljósmyndum úr ruslakörfunni á iphotoinu á fínu tölvunni minni og setja í möppu, gekk ekki alveg þrautarlaust. Þetta voru ekki einu sinni mínar eigin myndir heldur frá "hollendingum fljúgandi" en það hafðist að lokum. Eg hef þurft að leggjast fyrir annað slagið til að draga úr bólgu á öðru augnlokinu. Svei mér þá ef útlitið á Rocky, eftir stóra bardagann í hringnum, hefði verið eins og barnagaman í samanburði. Hjá mér hinsvegar var þetta ekki bardagi í hringnum heldur sætur koss frá moskítóflugu sem hafði lætt sér inn í herbergi meðan ég svaf.
Svo hef ég verið að smá draga úr vinnu (ekki aðvelt) á vinnustofunni enda ekki lengur tími til að þurrka leirinn. Svo til að forðast óþarfa stress og panik í lokin er best að fara að setja punkt. Skrifaði nokkur póstkort og hafði það kósí undir sæng.

Er að reyna að lokka Tamomí "tengdadóttirina tilvonandi" til að skipuleggja ferð til Íslands þarf að setja af stað fjáröflunarprógrammið. Sjáum hvað setur með það!!

Hef ákveðið að fara í sporttúr til Naoshima sem er lítil eyja sem spennandi er að skoða. Þar er t.d. nútímalistasafn sem teiknað er af Tadao Ando sem er nú ástæða útaf fyrir sig, þvílíkur snillingur sem maðurinn er. Planið er að klára hér allt fyrir 6.nóv fara þá til Kyoto geyma hluta af farangrinum á hoteli skella sér með Shinkansen (hraðlest) og ferju til Naoshima og gista í Pao eða tjaldi sem hægt er að leigja. Sneddí. Þessi eyja er mjög spennandi ...fer svo til baka til Kyoto og verð síðustu dagana og skoða borgina aðeins betur, það er endalaust áhugavert. T.d. frægir fallegir garðar, spennandi söfn, ýmis musteri og kannski, kannski bara nokkrar pínulítlar verslanir. Þá verð ég nú farin að vera ansi óróleg(og farin missa einbeytinguna) hef ég trú á og vill fara að komast heim til mín.

subbfríður subbubjalla...

Islandspostur

2004-10-15T07:29:00.000-07:00

Jæja þá er ég búin að brenna fyrstu hrábrennslunna hér og nú er að bíða og sjá hvernig hvort hlutirnir "þola" gasið.
Ég hef verið órtúlega dugleg að skella mér í skokkið í morgunsárið. Er mest hissa sjálf, svei mér þá. En veðrið hefur verið ómótstæðileg til þess arna, bjart og mátulega hlýtt. Garðurinn er frábær kjörinn til hreyfinga..................
Heilmikið fjör hér í kvöld verið að kveðja ungverjann, hann er sá eini sem ekki hefur verið almennilega sáttur hér á staðnum. Enda er hann trúlega best geymdur heima...............
Er farin að skipuleggja síðustu dagana hér í Japan ætla aðeins að koma við í Kyoto í lokin.... mjög spennandi borg sem ég ætla að skoða aðeins betur.
Hef verið að vinna í því hörðum höndum að ná í "eiginkonu" fyrir soninn Hrein og nú er þvílík spenna hér í gangi..(það byrjaði á því að ég sagðist vilja japanska tengdadóttur!!!!) Hef eina í sigtinu hún heitir Tamomi og henni fannst hugmyndin alls ekki galin. Hún er sérlega elskuleg og góð og svo er hun mjög góður kokkur!!!! Hörku nagli og spennandi listakona. Er hægt að biða um meira. Er að reyna að sannfær soninn og hann kom með þá tillögu að senda hana í pósti til Íslands.....
Subbubjallan

björn hvar ertu björn

2004-10-12T05:50:00.000-07:00

Eg fór út að skokka snemma í morgunn í yndislegu veðri.....svolítið ánægð með mig verð ég að segja. Nú er að verða meira freistandi að vera úti, ekki eins heitt og ég farin að venjast skordýrunum betur. Það er sossum allt í lagi með skordýrin og snákana eftir síðustu fréttir sem eru að þær, að það eru villtir birnir hérna í skóginum.....hummm. Og eftir að fólk hefur verið að viðra hundana hérna í garðininum og rignir á eftir, renna þeir á lyktina!!! URRRRRG

Subbubjallan

heimþra

2004-10-11T05:19:00.000-07:00

Er með heimþrá.................................................................var að tala við soninn Hrein og kveðja hann því hann er á leiðinni austur í Kárahnúkavirkjun að vinna. Þessi elska er svo órtúlegur nagli......
Hamaðist með látum á vinnustofunni, fór á reiðhjólatúr ætlaði á pósthúsið en lokað í dag því það var einhver hátíðisdagur í gær. Svolítið óútreiknanlegir frídagarnir hérna í Japan. En sneddí að hafa líka lokað eftir frídaga, tökum það upp heima.... ha
subbubjallan

leir meiri leir

2004-10-10T05:25:00.000-07:00

jamms
I dag var mjög skemmtilegur markaður hér í garðinum. Ýmiskonar leirmunir til sölu frá svæðinu hér í kring, en þessi hluti Japans er einmitt þekktur fyrir langa og merkilega keramikhefð.
Mér fannst í reyndar algjör óþarfi að byrja með þessum látum rúmlega átta í morgunn. Það var byrjað með tilkynningum í því öflugasta hátalara kerfi sem ég hef nokkurntíma hlustað á.( ég er búin að sjá hversu ýktir japanir geta verið og þetta var rakið dæmi um það) Í raun áttir markaðurinn að vera í gær en var frestað vegna fellibyls sem gekk yfir hluta landsins. En viti menn hér skein sól í heiði í morgunn og gott veður allan daginn. Það hafði rignt allan daginn í gær svo grasið var gegnumsósa af bleytu. (og ég á sandölunum)
Eg freistaðist til að kaupa (er nú alltaf svolítið veik fyrir leirnum) bolla og stadíf undir prjóna (þessa sem maður borðar með ég ætla nefnilega að halda áfram að nota prjóna eftir að ég kem heim og kenna hinum fjölskyldumeðlimum kúnstina líka). Frábært.
Subbubjalla

listakonukokkur

2004-10-10T01:11:00.000-07:00

Nú er ný lína í gangi. Er að læra að elda japanskan mat af fullri alvöru. Það er ein japönak listakona tekur okkur útlendingana í kennslustundir í elshúsinu á kvöldin. Hún er sko listakokkur og mikil stemming í gangi hjá okkur. Mér finnst ég að verða ansi góð í misó-súpugerð. Bara ánægð með mig.
Ég hef líka verið í hörkuvinnustuði á vinnustofunni og nýt þess að fullu.

2004-10-06T06:44:00.000-07:00

Jæja það var heilmikið fjög hér í garðinum í dag, byggður einn leirbrennsluofn. Einhverskonar reykbrennsluofn, olíukynntur. Lærdómsríkt að fylgjast með því. Annars hef ég verið að vinna á fullu finnst eins og ég sé svolítið farin að falla á tíma......... er að fá hugmyndir sem mér finns að ég verði að klára. Er enn að vinna í leirinn hef rúma viku eftir svo þarf að fara að huga að brennslum, glerjun og pökkun oþh. Svo er búið að plana einhverja dagstúra á söfn oþh. svo tíminn þýtur áfram núna............Það var heilmikil veisla hér í gærkveldi verið að bjóða nýkomna listamenn velkoma, með þvílíkum veisluföngum. Það er einn frá Hollandi og annar frá USA svo það eru að fyllast aftur vinnustofurnar.
Bless í bili,
Subbubjalla

sokkaveður

2004-10-02T06:24:00.000-07:00

Það er kominn "vetrartími" hér.....nú á að fara að slökkva á kælingunni í hérbergjum og á vinnustofum. Eg fekk nýja sæng sem er amk. helmingi þykkari en sú sem ég var með áður. Við þessar breytingar fekk ég svo flensu og er búin að vera hálf slöpp í gær og í dag. Mér finnst reyndar fullsnemmt að fara að hugasa um veturinn er nýfarin að vera í sokkum og ermalöngum bol á vinnustofunni.
Verð vonandi á fullu tempói á morgunn!!!

Subbubjalla

svo margt

2004-10-01T05:48:00.000-07:00

Það er svo merkilegt að upplifa í Tokyo allan þennan fjölda fólks. Þar er íbúatala rúmar 12 milljónir !! Ég var alveg heilluð af borginni með fullri virðingu fyrir henni Reykjavík okkar. Það er eitthvað alveg geggjað í gangi í þessari borg sem erfitt er að útskýra....ekki bara stærðin og fjöldinn heldu líka svo margt, margt, annað spennandi...........
Subbubjalla

To Tokyo takk

2004-09-28T18:14:00.000-07:00

Er rétt að ná áttum eftir Tokyotúrinn þvílík borg.
Frá Shigaraki tekur ferðin uþb. 4 tíma með rútu og lestum. Byrjuðum á að fara á hótelið og losa okkur við farangurinn, hótelið var vel staðsett nálægt metróstöð og frekar ódýrt. Byrjuðum á að fara í nýju Roppongi bygginguna og horfðu yfir borgina af 52 hæð. Það var orðið áliðið, komið myrkur og svolítið mistur, ótrúlega mögnuð sjón!! Það er hægt að ganga allan hringinn á hæðinni og njóta útsýnisins gluggarnir ofaní gólf. Gott ef ég sá ekki glitta í himnaríki þarna uppi, það var amk. eitthvað himneskt við þetta kvöld.
Það er nútímalistasafn í bygginunni þar tókum við einn eða tvo hringi. Spennadi sýning COLOURS þar sem tveir þekktir hönnuðir, Viktor and Rolf, skoða áhrif lita á tísku. Frábær upplifun, spennandi uppsetning og flott sýning.
Fyrir utan Roppongi bygginguna er risa, risa kongló (skúlptúr) eftir Louise Bourquis. Mjög mögnuð sjón, verkið er upplýst og skuggarnir voru líka magnaðir. Eitthvað fyrir Emmu.
Enduðum kvöldið á ekta japönskum veitingastað þar sem enginn talaði ensku en maturinn var frábær, núðlusúpa, hrár fiskur og greentea desert úr sojabaunum. Kokkarnir hlógu mikið þegar við tókum upp myndavélarnar og tókum létta syrpu af matnum. Þeir eru ótrúlega flinkir að raða saman litum og formum á matardiskana. Listaverk.
Meira næst.
Subbubjallan

a goðri leið

2004-09-23T17:22:00.001-07:00

Aðeins meira af nuddi!!!
Já ég fór í nudd í gær ég held því fram að það hafi verið nuddstólnum fyrir að þakka!! Eg kvartaði undan eymlum í öxlunum við eina vinkonum mína japanska. Mér hafði verið bent á heima, að ég yrði að fara í nudd í Japan það væri algjört must. Svo er ég rétt að byrja að undirbúa jarðveginn, minnist á öxlina. Sem var enginn lygi ég er búin að vera hálf aum en ekki kvalin. Ég sá fyrir mér svona stemmingu eins og er hjá Shiva indverska nuddarananum heima.(mæli með að allir prófi það) Ég sá s.s. fyrir mér svoleiðist huggulega stemmingu með karrýolíu mareneringu, reykelsi og róandi tónum. Ég var ekki búin að sleppa orðinu MASSAGE þegar konan rífur upp gemmsann og er komin á línuna til að bjarga málum. Svo er ekkert meira með það að mér er skuttlað upp í bíl og af stað.
Hlykkjuðums um þröngar göturnar í góða stund og svo komnar á staðinn. Enginn indverksk karrystemming þar heldur maður í hvítum slopp sem vísaði mér í stórt herbergi með litlum bekkjum í röðum. Og ég var látin leggjast á magann á einn slíkan. Þeir voru svo þétt raðaðir bekkirnir að ég hefði getað klórað gömlu konunni við hliðina á mér á bakinu, án þess að rétta úr handleggnum. Svo var gríðarlega sterk bláköld lýsing á stofunni að ég held þeir hljóti að hafa séð í gegn um mann og sparað sér rönkengræjurnar í leiðinni. Lítið sjónvarpstæki var í gangi í einu horninu, hátt stillt, ansi blönduð stemming.
Svo túlkaði vinkona hún mín og ég gat ekki betur séð af látbragðinu að hún hafi verið að lýsa meðferðínni í stólfjandanum í þaula.... Allavega þá fekk ég eitthvert rafmagnstæki á axlirnar í fimmtán mínútur til að hita upp svæðið, síðan nudd og aftur hiti. Að lokum fekk ég einhverja sogbolla á axlirnar í góða stund, ku vera gott til að auka blóðrennslið. (geng svo um með gríðarlega sogbletti á sitthvorri öxlinni) Hann gaf mér líka einhverskonar grisjur sem ég átti að hafa í öxlunum í sólahring. Risastór plástur með einhverju grasa náttúrefni í sem lyktaði og LYKTADI. Lyktin var svo mögnuð (ekki slæm bara stór) að ég svaf varla dúr meðan ég hafði þetta á mér.
OG SJÁ, ég snarlagaðist í öxlunum við þessa meðferð, svo þetta endaði eins og góð ævintýri gera gjarnan.
Nú fer ég til Tokyo og verð næstu daga, stíf dagskrá allan tíman er hrykalega spennt.

Bestu kveðjur og endlega slakið á í öxlunum meðan ég er í burtu.

Suppubjalla

a goðri leið

2004-09-23T17:22:00.000-07:00

karl með kött

2004-09-22T06:26:00.000-07:00

Þá er það sagan af japans partýinu .....Við vorum sjö sem fórum héðan eingöngu þeir sem eru hér listamenn í skemmri eða lengri tíma. Það var yfirmaður staðarins sem var svona rusnarlegur að bjóða okkur. Hann var nú búinn að fá sér hressilega í aðra tánna þegar við mættum á staðinn. Og var það honum mikið kappsmál að allir drykkju sem mest, allir áttu að nota tækifærið að hans sögn og fara á almennilegt fyllerí.
Svo sátum við úti og grilluðum ýmislegt góðgæti kjöt,fisk, grænmeti. Hérna er grillað öðruvísi en heima, alltaf verið að setja litla bita á grillið og tíma svo uppí sig um leið og þeir eru tilbúnir. (skemmtileg stemming, enda hægt að sitja úti án þetta að eiga á hættu að veikjast hættulega) Svona er setið við í góða stund og drukkið með. Rauðvín, saki og þeir hörðust fengu sér viski með matnum. Verulega smart.
Svo var okkur boðið inn aftur í þetta líka fína hús, "stórt og ríkmannlegt" enda karlinn forríkur með einn kött í heimili. Karlinn á þennan forláta stól NUDDSTÓL engin smá mubla það. Allir æstir í að prófa það var meira ævintýrið. Maður skorðast niður, kálfarnir eru alveg fastir, klemmast inní stólinn. Kannski eins gott því þegar átökin byrja við bakið þá er eins gott að vera festur niður. Eg hélt ég myndi hendast á gólfið í látunum.
Svo er hann líka með karokígræjur og allir að syngja hörku fjör. Eg hélt mér við Bítlana og Eric Clapton, átti svolítið erfitt með japönsku lögin. Svolítið öðruvísin stemming en maður á venjast, en skemmtileg.
Rosalega kósí salernið, klósettsetan var upphituð, milljón litir takkar, allt á japönsku. Ég helt ég hefði eyðilagt græjurnar þegar loksins sturtaðist niður.

kling, klíng og klíngbjalla

leti i gangi

2004-09-19T06:31:00.000-07:00

Svolítil glíma við leirinn í dag endaði samt áætlega!!
Nenni ekki einu sinni að skrifa um það.
Mér er boðið ásamt fleirum á staðnum í japanskt party á morgunn. Matarboð með tilheyrandi læt vita hverning það gengur fyrir sig.
Subbubjallan....

tekatlar og grænir lokkar

2004-09-18T06:57:00.000-07:00

Nú er laugardagskvöld hjá mér.......fórum nokkrar að skoða spennandi leirbrennsluofn sem staðstettur er hér á lóðinni. Þetta er dæmigerður ANAGAMA ofn, japanir hafa brennt sinn leir í svoleiðist ofnum frá því um árið 1200. Nú á s.s. að fíra upp í honum á morgun og við fórum að skoða meðan meistararnir athafna sig.
Ég var einmitt að skoða lítinn teketill sem var gerður af meirtara hér í þorpinu. Sá höfðingi er að vera áttræður og enn á fullu "swingi" hefður meira að segja verið að kenna hér á staðnum. Læt verðið á tekatlinum fylgja svona að gamni. 40.000 íslenskar krónur. Svona eru hlutirnir afstæðir eftir því hvar maður er staddur. Ekki svo rosaleg æskudýrkun hér í Japan!!!!
Er vongóð um að ég verða svona hress um áttrætt . Sá taktur er reyndar svolítið í minni ætt að hressast gífurlega eftir fertugt og halda fullum dampi þangað til yfir lýkur, sem er oft ekki fyrr en um tírætt!!!
Mér bauðst að setja hluti eftir mig í ofninn, spennandi að sjá hverning það kemur út.
Nú fer að koma að útkomu úr tilraunum í leirnum, þá er alltaf spenningur í lofti.

Það er einn ungverji hér her að vinna, heimsþekktur í leirlistaheiminum og víðar......hann er mjög léttur og skemmtilegur karl. Hann trúlega kominn yfir fimmtugt og aflitar á sér hárið þannig að það er svolítið gult. Bara flott. En svo var hann í skærgrænum bol að vinna og kófsvitnar í þessum djöflagangi og hita. Nema hvað, bolurinn litaði svona flott á honum hárið að aftan eins og það hafi verið gert á hárgreiðslustofu. Ég sló á létta strengi og spurði hann hvort hann væri að breytast í frosk......hann kom alveg af fjöllum, maðurinn!!! Svo tók ég mynd af hnakkanum á honum og þessum fínu lokkum sem lágu svona grænir og fallegir við hálsinn. Og sýndi honum.........mikið hlegð.....

Bless og góða nótt,

meira bras

2004-09-17T06:22:00.000-07:00

Það hefur verið heldur rólegt hér í dag vorum bara þrjár að vinna á vinnustofunni. Algjört lámark!! Ég skellti mér í reiðhjólatúr í nágrenninu í dag. Loksins að verða almennilega fært vegna veðurs. Ekkert sérstaklega spennandi að hjóla og vera úti í 30+stiga hita og sól. En í dag var ekki hægt að kvarta "bara" 25 stiga hiti og skýjað með köflum, notalegt.
Hef verið að bardúsa á tölvunni í allt kvöld við reyna að finna útúr því hverning maður svissar ljósmyndum yfir á jpg format þegar maður hefur ekki photoshop sér til aðstoðar!!! Er ekki alveg að ganga upp hjá mér.
bless í bili,
Bjallan

mja mjaaaa

2004-09-16T05:47:00.000-07:00

Mig dreymdi skrýtinn draum síðastliðna nótt. Einhvernveginn svona: Eg var að stússast á stóru nýtísku kúabúi sem var yfirhlaðið af nýustu tækjum og tólum til að mjólka kýrnar og þessháttar. Allt var nýtt, hreint og fínt. Flórinn eins og nýpússaður en yfirfullur af litlum sætum hvítum kettlingum!! Einkennilegur draumur, ikke!!
Nú vantar sko hana Önnu mína til að ráða þennan, það var einginn eins góður að ráða drauma eins og hún. (blessuð sé minnig þeirrar elsku) Eg hef verið að gæla við þá hugmynd að spyrja japönsku vinkonur mínar hérna á staðnumr hvort einhver þeirra kunni að ráða drauma.
Svo finnst mér það eitthvað svo fjarstæðukennt ég treysti mér varla ekki í þann umræðupakka með tilheyrandi misskilningi, ég hlæ alltaf eins og brjálæðingur get ekki hamið mig, því miður. Við erum svo misgóð í að gera okkur skiljanleg hérna. Mér finnst svo skemmtilegur svona misskilningur og hef alltaf fundist, hann er eitthvað svo óundirbúinn og óvæntur. Þanning að ég þarf að passa mig svolíðið (svo ég sé nú ekki móðgandi) sem gerir þetta náttúrulega enn meira spennadi. Reyni að halda umræðuefninu frekar á almennum nótum um sinn.

Bless í bili,

gleðinnar gleðinnar

2004-09-15T05:08:00.000-07:00

Jæja þá í þetta sinn....Nú hefur verið rólegt hjá mér í dag. Hugmyndir sem ég hafði í kollinum gerðu uppreisn og hef ég enga stjórn lengu !!!!
Vinkona mín, Trees (mæjóneskonan frá Belgíu) er farin til Kyoto. Hún er í raun búin að ljúka við verkefnið sitt hérna en ætlar að nota tækifærið og ferðast í hálfan mánuð um Japan. Kemur síðan í heimsókn með unnustann til Shigaraki sem er líka keramiker. Við erum búnar að skipuleggja ferð til Tokyo í næstu viku.. Þar er endalaust hægt að skoða og skemmta sér. Meira um það seinna.
Fékk frábærar fréttir að heiman í dag, fékk styrk sem ég sótti um áður en ég kom hingað. Breytir töluvert miklu fyrir mig......jibbí dansað og sungið undir morgunn.......

Subbubjallan

froskakoss ofl.

2004-09-13T06:54:00.000-07:00

Hér er frídagur á mánudögum, ég er að hugsa um að taka þennan vana upp þegar ég kem heim aftur þ.e.a.s. lengja helgarnar um einn dag. HUMM Reyndar er unnið hér á staðnum laugardaga og sunnudaga, en ég hef hugsað mér að stokka þessu svolítið saman, góð hugmynd, ikke???
Fór á reiðhjóli í kaupfélagið í morgunn með þeirri sem hafði keypt majónes í staðinn fyrir sjampó. Henni fannst reyndar svolítið skrýtið, um daginn, að finna sjampóið við hliðina á matarolíunni og ætlaði að fara að gera athugasemd við kaupfélagsstjórann......Hún kaupir alltaf "þetta" sjampó í Belgíu þar sem hún býr. (þið ættuð að sjá á henni hárið)
Það var s.s. brunað af stað í ca 30 stiga hita, raka og sólskini. Stoppuðum á ýmsum stöðum á leiðinni (hér eiga svo að vera ljósmyndir) það eru svo frábærar litlar forvitnilegar búðir hérna í þorpinu, þar sem öllu ægir saman. Ég man ekki eftir að hafa séð neitt í líkingu við þær. (fleiri myndir)
Það fannst froskur ínná karlaklósetti í dag ef hann hefur verið að leita af prinsessunni þá var hann ekki á réttum stað.

bless í bili,
subbubjallan

úr lofti

2004-09-12T05:56:00.000-07:00

Það var nú heldur betur stuð hér í dag.......
Fórum nokkrar í þyrluflug alveg óvænt. Þanning var að það var handið uppá "hinn árleg slökkvuliðsmannadag" hér í garðinum hjá okkur í dag. Þetta er náttúrulega enginn smá garður utanum keramik centerinn. Kannski eins og 4x Hljómakálagarðurinn með söfnum, vinnustofum, skrifstofum og öllu tilheyrandi. LUXUS.
Hér fylltist s.s allt af slökkvulísbílum með tilheyrandi hljóðum fólk og dreyf af úr öllum áttum, sannkallaður fjölsyldudagur. Slökkvuliðsmenn sýndu græjurnar sem þeir nota og hverning á að veita fyrstu hjálp oþh. og svo var farið í ýmisa leiki(sem ég setti mig ekki inní) Gagnlegt og gaman.
Hægt var að skrá síg í útsýnisflug í þyrlu á þartilgerða miða sem síðan voru þeir heppnu dregnir úr.( og komust færri að en vildu) Og hverjir lendu svo í fyrstu ferðinni við dömurnar úr keramikinu, auðvitað. Við vorum fimm sem fórum, ég var sú eina sem hafði flogið í svona tæki (lúksusrotta) þetta var mjög gaman. Það var gaman að sjá staðsettningu staðarins úr lofti allstaðar skógur í fjalllendinu og hrísgrjónaakrar í dölunum. Very nice.
bjölluspjall

heimsoknir ymisskonar

2004-09-11T06:02:00.000-07:00

Jæja ég var við að fá taugaáfalll í dag.. jamms engin lygi. Þegar ég var á leið á vinnustofuna í rökkrinu um sex leytið í dag mætti mér snákur á gólfinu. urrrrrg ég stökk hæð mína í öllum herklæðum og gargari hraustlega. Mér brá hrottalega......Þau voru ekki lengi að sópa honum út, kollegar mínir á vinnusofunni. Hann var ekki nema ungi (að þeirra mati) kannski eitraður og fekk að halda lífi þessi elska. Þau vita greinilega ekkert um snáka nú er hann nefnilega að safna liði og kemur fljótlega með stóra bróðir sinn. humm..... vita nákvæmlega ekkert um snáka!! Hér eftir geng ég með kúst á bakinu!!!
Annað skemmtilegt, við vorum að reyna að panta hótelherberi í Tokyo á netinu. Það er eins og þeir reikni ekki með útendingum til landsin það er allt á japönsku hvernig á maður að panta hótelherbergi á japönsku. Við vorum fjórar í röð með tölvur mikil stemmig. Enda engin smá fjöldi hótela í Tókyo jemmminnn Tvær japanskar, ein íslensk(ég) og ein frá Belgíu. Þvílíkt fjör og misskilningurinn í toppi. Þetta er gaman...........þvílíkur hlátur, það við skemmtum okkur allar ekki bara ég.
Þetta er svona í búðinn (kaupfélaginu í Shigaraki) allt, allt á japönsku auðvitað, auðvitað við erum þar, en þegar maður ætlar að kaupa sjampó og kemur heim með majónes þá er þetta kannski full langt frá. Hummmmm Alltaf einhvernveginn á byrjunarreit þarf að spyrja um allt enda orðin rosa góð í látbragði.
Bjalla

smjörflugan

2004-09-10T07:06:00.000-07:00

Var í mestum makindum á vinnustofunni að vinna þagar allt í einu varð uppi fótur og fit út í garði. Þar var á flögti það stæðsta fiðrildi sem ég hef á ævinni séð. Meira segja ég hefði getað flogið með þessa fínu vængi!!
Þegar ég verð komin með tæknina á mitt band birtist mynd af fyrirbærinu!!

spjallan

Tæknin að stíða mér

2004-09-10T06:32:00.000-07:00

Eitthvað hef ég lent í tæknilegum örðuleikum með bloggið undanfarið, en ég held ég sé búin að ná tökum á því núna. Fleiri sögur á leiðinni!

susssssssssssssssssssssssssi

2004-09-09T03:12:00.000-07:00

Léttur skjálfti í gærkvöldi.
Nú er verðið að undirbúa súsi parý hér í eldhúsinu fyrir kvöldið, alltaf verið að bardúsa og bauka í þessu eldúsi. Mikið er ég fegin því. Notalegt að heyra diskglamur og finna framandi ilm nánast öll kvöld, mammi mammi.
súsibjallan

Hristist svolitið og skelf

2004-09-08T07:01:00.000-07:00

Ætlaði að vera svo dugleg að skrifa....isss
Hef verið að hristast og skjálfa hér í Japan í jarðskjálftum undanfarna daga. Er staðstett norður af Kyoto og aðeins fengið að kynnast geðillsku nátturunnar. Fólkið hér í kringum mig, sérstaklega japanir, taka þessu með mikilli ró.

Toppurinn á tilverunni var um daginn þegar ég fór að skoða verk Tadao Ando THE CHURCH OF LIGHT í Osaka. Ótrúlega falleg kirkja. Fórum nokkur saman, ekkert okkar hafði séð kirkjuna áður. Ég hafði aðeins séð hana í arkitektabókum og blöðum og alltaf langað að soða "live"svo þetta var mikil upplifun!!! Skoðaði líka í þessari sömu ferð almenningsgarð sem var hannaður fyrir heimsýninguna 1970 æi Osaka hann var tómlegur svona í miðri viku en er víst líflegri um helgar. Fórum líka í miðbæ Osaka það var mikið fjör, fjöldi fólks (eins og flópbylgja) og auglýsingaskiltin um allt. Mjög geggjað eftir að dimma tók.
Svo endalaust margt að sjá.
Japansbjalla

2004-09-06T06:19:00.000-07:00

Það hefur eitt og annað gerst hér síðan síðast.

Fellur-hvellur

2004-08-30T06:59:00.000-07:00

Nú bíð ég eftir að fellibylurinn ógurlegi gangi yfir hér hjá okkur, hann hefur gert hressilegan ursla í suður Japan sá það fyrir stundu í sjónvarpinu. (og ekki lýgur Mogginn) Fólkið hér virðist ekkert sérstaklega stressað yfir þessu.......segja að hér gangi ca. 25 slíkir yfir á ári hverju. hum...svo ég ber mig vel.

Haustið hefur rekið tánna í tímann.

Bjallan

heilsubað

2004-08-28T04:40:00.000-07:00

Eg gerði margt spennandi í gær. Borðaði mjög sérstaka súpu í hádeginu sem var eitthvað á þessa leið; Núðlur soðnar og kældar, japönsk fiskisósa þynnt með vatni niðurskornir serrytómatar og vorlaukur allt sett í skál og nokkrir ísmolar útí, spennó....ikke??. mjög gott og frískandi í hitanum hérna hjá mér.
Skellti mér í Japanskt almenningsbaðhús ásamt fleirum hérðan úr keramikstúdióinu. Við keyrum í rúman hálftíma til að komast eitthvert "upp í sveit". Mikil upplifun þetta er s.s. hveralaugar mismunandi heitar. Maður byrjar á að gefa sér góðan tíma við þvott, sem fer fram á litlum kolli fyrir framan krana og lítinn spegill. Síðan notar maður tréstamp til að skola af sér sápuna. Þvínæst fórum við í mjög heita litla setlaug sátum þar berstrípaðar í góða stund. Þá var komið að saunabaðinu fengum við MUSSU til að fara í og vatnsblöndu "semégveitekkihvaðerdrykkur" , tvö glös takk. þá var okkur fylgt í saunað og bent á steinbedda til að liggja á með handklæði yfir okkur. Maður svitnaði hressilega eftir smá stund, lágum þar í dormingi í 30 mín. og meira að drekka. Síðan aftur í kerlaug utandyra, tríttluðum okkur svo á töfflum einum saman upp nokkrar steintröppur í "kryddlaug" og lágum þar í rólegheitum í 15 mín. Að lokum fórum við hærra upp nokkrar tröppur og lágum í rökkrinu með lampalýsingu í lítilli laug sem var mjög heit. GEGGUÐ HÆNA!!!
Fórum aðra leið til baka, í kolniðamyrkri og engin lýsing á einbreiðum veginum, umkring skógi. Ekki hefði ég viljað lenda í einhverjum stoppi með bilinn á þessum slóðum. Með eitraða snáka, lófastórar köngulær og margfætlur allt umkring....
Enduðum kvöldið á að sappa í okkur "þúsund" rétti á kínverskum góðum, ódýrum veitingastað. Það var svolítið þreytandi til lengdar að sitja á gólfinu og hálfgerður vandræðagangur á löppunum á manni á meðan á borðhaldinu stóð.
SUBBUBJALLAN

heilstuspira

2004-08-26T06:42:00.000-07:00

Hélt ég hefði allan tímann í veröldinni hér í Japan en það er sko öðru nær. Hef sjaldan haft meira að gera. Fórum nokkur saman til Kyoto í gær byrjuðum á að fara á flóamarkað sem var með þeim flottar sem ég hef séð. Bæði voru svo fallegir munir til sölu og fólkið allt svo elskulegt. Andúmsloftið afslappað og engin læti eins og maður er vanur á svona flóamörkuðum annarsstaðar. Engin hróp og köll..... Keypti mér kímanó algjört gegg...á nix pix pening. Hefði þurft miklu lengri tíma, komst ekki yfir nema brotabrot af svæðinu.
Fórum á tófúkaffi fékk ýmsar gerðir af tófú kom á óvart hversu spennandi er hægt að matreiða þann bragðlausa fjan.. Algjört heilsufæði, meira segja fundum við tófúísbúð í nágrenninu og fengum okkur að sjálfsögðu svoleiðis (sem bragðaðist eins og hann hljómar, tófúís!!!hvernig hljómar það ??)
Japanir eru greinilega flestir mjög meðvitaðir um hvað þeir borða og hverning þeir lifa yfirleitt. Ég ætla einmitt að gera svoleiðis líka. Heilsuspíra..

gaman gaman

2004-08-21T05:27:00.000-07:00

Hef haft það ótrúlega gott síðan ég kom hingað til Shigarki, fólkið allt vinalegt og afslappað. Á kvöldin þegar fólk hefur "skriðið" af vinnustofunum til að borða kvöldmat er oft glatt á hjalla. Maður gjörsamlega liggur af hlátri stundum, þetta er ótrúlega blanda af mannskap frá ýmsum löndum. Misskilningurinn er oft skemmtilegastur.....
Subbubjallan

loksins loksins

2004-08-19T23:46:00.000-07:00

Þetta er nú meira ævintýrið.
Kristín